कांग्रेस पर चौधरी चरण सिंहक अपमान करबाक धनखड़ लगओलनि आरोप
*
नई दिल्ली
*
पूर्व प्रधानमंत्री चौधरी चरण सिंह, पीवी नरसिम्हा राव गारु आ एमएस स्वामीनाथनकेँ राज्यसभा द्वारा भारत रत्नसँ सम्मानित कयल गेला पर राज्यसभामे पक्ष-विपक्षक बीच बकझक भेल।
राज्यसभाक सभापति जगदीप धनखड़ नेता प्रतिपक्ष मल्लिकार्जुन खड़गे आ अन्य कांग्रेसी नेतासभसँ कहलनि, “अहाँ चौधरी चरण सिंहक अपमान कयलहुँ, अहाँ हुनक विरासतक अपमान कयलहुँ। अहां लग भारत रत्न चौधरी चरण सिंहक लेल समय नहिं छल। आइ अहां देशक हर किसानकेँ आहत कय रहल छी।
पूर्व प्रधानमंत्री चौधरी चरण सिंह, पीवी नरसिम्हा राव गारु आ डॉ. एमएस स्वामीनाथनकेँ भारत रत्नसँ सम्मानित कयल जाय पर केंद्रीय मंत्री पीयूष गोयल कहलनि, “आइ पूरा देश हुनकर प्रशंसा कऽ रहल अछि मुदा विपक्षक नेताकेँ चौधरी चरण सिंह, डॉ एमएस स्वामीनाथन आ पीवी नरसिम्हा राव गरूक अपमानक लेल देशसँ माफी मांगबाक चाही।
आगू केंद्रीय मंत्री पीयूष गोयल कहलनि, “ई हमरा सभक लेल गर्वक क्षण अछि जे प्रधानमंत्री मोदी चौधरी चरण सिंहकेँ भारत रत्न दऽ कऽ सम्मानित कयलनि। कांग्रेसकेँ आइ उत्सव मनयबाक चाही जे हुनकर पूर्व प्रधानमंत्रीकेँ पीएम मोदी द्वारा सम्मानित कयल गेल अछि। मुदा दुर्भाग्य ई अछि जे हुनक उपनाममे गाँधी नहिं छल, नेहरू गाँधी रहैत तऽ चलि जाइत। ओ अपनाकेँ भारत रत्न प्रदान करबामे लागल छलथि।
रालोद प्रमुख जयंत चौधरी कहलनि, “चौधरी चरण सिंहकेँ भारत रत्नसँ सम्मानित करबाक निर्णय बहुत पैघ निर्णय अछि। काल्हि एहि घोषणाक बाद लोक दिवाली मनौलनि। काल्हि, किसान सीपीमे मिठाई बंटलनि। एहिसँ पता चलैत अछि जे ई निर्णय मात्र हुनक परिवार धरि सीमित नहिं छल, बल्कि किसानसभकेँ मजगूत करबाक निर्णय अछि।
