विधि-व्यवस्था धामी सरकार एक्शनमे, मजिस्ट्रेट जांचक आदेश Maithil Punarjagran Prakash February 11, 2024February 11, 2024 0 Comments १५ दिनमे मांगल गेल रिपोर्ट * नई दिल्ली * हल्द्वानीक बनभूलपुरामे भेल घटना, आगजनी आ तोड़फोड़क मामिलामे सरकार द्वारा मजिस्ट्रेट जाञ्चक आदेश देल गेल अछि। ८ जनवरीकेँ उत्तराखण्डक नैनीताल जिलाक अन्तर्गत आबयवला हल्द्वानी शहरक बनभूलपुरामे भयंकर हंगामा भेल छल। उपद्रवी सभ कतेको गाड़ीमे आगि लगा देलक। पुलिस पर पाथर फेंकल गेल। एहि घटनामे कतेको पुलिसकर्मी घायल भऽ गेलाह। एहि घटनामे ५ गोटेक मृत्युक पुष्टि भेल अछि। संगहि, एहि हिंसक घटनामे ३०० सँ बेसी लोक घायल भेल अछि। शहरमे इंटरनेट बंद अछि। बनभूलपुरामे भेल हिंसक घटनाक बाद पुलिस आब उपद्रवी आ दंगा करयवलाक खिलाफ कार्रवाई शुरू कऽ देलक अछि। पुलिस एखन धरि पांच गोटेकेँ गिरफ्तार कए चुकल अछि। पुलिस एहि मामिलामे १९ लोककें नामजद कयलक अछि आ ५००० अज्ञात लोकक विरुद्ध मामिला दर्ज कयलक अछि। उत्तराखण्ड सरकार एहि मामिलामे सख्त अछि। सरकार द्वारा एहि घटनाक उच्च स्तरीय मजिस्ट्रेट जाञ्चक आदेश देल गेल अछि। उत्तराखण्डक मुख्य सचिव राधा रतूड़ी एहि सम्बन्धमे कुमायूं मण्डल नैनीतालक आयुक्तकेँ निर्देश देलनि अछि। आदेशमे कहल गेल अछि जे बनभूलपुरामे भेल हिंसक घटनाक मजिस्ट्रेट जाञ्चक आदेश देल जा रहल अछि। एहि घटनाक निष्पक्ष मजिस्ट्रेट जाँच कयल जाय आ १५ दिनक भीतर रिपोर्ट सरकारकेँ सौंपल जाय। एहि आदेशक एकटा प्रति देहरादूनक पुलिस महानिदेशक, जिला मजिस्ट्रेट नैनीताल आ वरिष्ठ पुलिस अधीक्षक नैनीतालकेँ सेहो सौंपल गेल अछि। Spread the love