जुडशीतल आ रामनवमी पावनिक हेतु राजनगर थाना परिसरमे शान्ति समितिक बैसार सम्पन्न भेल। जाहिमे उपस्थित जनप्रतिनिधि आ उपस्थित लोक सभसँ प्रशासन आह्वान कयलनि कि दुनु पावनिमे कोनो प्रकारक असहज करय बाला परिस्थिति नहिं आबय से सुनिश्चित कयल जाय। डी जे पर पूर्णतः रोक लगाओल जयबाक निर्देश देल गेल। जुडशीतलमे आमादा हरिनगरमे होमय बाला ढेला मार प्रथा पर विशेष चर्चा आ निर्देश देल गेल। रामनवमीमे शोभायात्रा निकालबाक बारेमे विशेष निर्देश देल गेल। एहि बैसारमे डी एस पी मनोज राम, थानाध्यक्ष सचिन कुमार, प्रमुख प्रतिनिधि रविन्द्र ठाकुर सहित दर्जनों लोक उपस्थित छलाह।
