एमएलसी चुनावक लेल नामांकन प्रक्रिया शुरू भऽ गेल अछि। जेडीयू केर तरफसँ नीतीश कुमार आ खालिद अनवर अपन नामांकन पत्र दाखिल कयलनि अछि। हम पार्टीक तरफसँ संतोष सुमन सेहो मंगल दिन अपन नामांकन दाखिल कयलनि। एहि दौरान एहि अवसर पर उपस्थित राजग केर सब नेता नीतीश कुमारकेँ बधाई देलखिन। ओतहि एहि अवसर पर उपस्थित जदयू केर राज्यसभा सांसद संजय झासँ जखन संवाददाता सभ बिहारक सीट बटबाराक बारेमे पूछलकनि, तऽ ओ पैघ दावा कयलनि।
संजय झा कहलनि जे सीट बंटवारा पर कोनो दुविधा नहिं अछि। चिंता नहिं करू, सब किछु समय पर भए जाएत। संगहि नीतीश कुमारक एकटा आओर निकट सहयोगी जदयू नेता आ मंत्री विजय चौधरी सेहो पूरा दावाक संग कहलनि जे सीट बंटवारा एखन धरि नहिं भेल अछि, मुदा बहुत जल्दिये अहाँ सभक सामने तस्वीर साफ भऽ जायत, एनडीएमे सीट बंटवाराकेँ लऽ कऽ कोनो दुविधा नहिं अछि।
हमक राष्ट्रीय अध्यक्ष संतोष माँझी सेहो आशा व्यक्त कयलनि जे सब किछु सही समय पर भऽ जायत, एहिमे चिंताक कोनो बाते नहिं अछि। एहि तरहक चर्चाक कोनो गप्पे नहिं हेबाक चाही।
दरअसल, चिराग पासवानक बारेमे कतेको तरहक सवाल उठि रहल अछि। इहो मानल जाइत अछि जे राजगमे सीटक बंटवारामे देरी भऽ रहल अछि किएक तँ मानल जाइत अछि जे जेडीयू राजगमे अयलाक बाद छोट-छोट दल परेशान भऽ गेल छल। ओना, जेडीयू आ हम स्पष्ट कयलक जे सीट बंटवारामे कोनो समस्या नहिं अछि।
