सोनम वांगचुकक अनशन पर दिल्ली हाईकोर्टमे अर्जेंट सुनवाई, कोर्ट केंद्र आ दिल्ली सरकारसँ जवाब मांगलक
नई दिल्ली। समदिया
दिल्ली हाईकोर्ट बुधदिन एक्टिविस्ट सोनम वांगचुकक भूख हड़तालकेँ बहुत जरूरी मानलक। केंद्र आ दिल्ली सरकारसँ बृहस्पति यानी आइ भोर धरि जवाब मांगलक अछि।
हाईकोर्ट ई सुनवाई एक जनहित याचिका पर कयलक। एहीमे वांगचुककेँ तुरंत मेडिकल सुविधा आ इलाज उपलब्ध करेबाक मांग कयल गेल अछि।
वांगचुक नीट पेपर लीक आ परीक्षामे गड़बड़ीक खिलाफ दिल्लीक जंतर-मंतर पर पिछला 18 दिनसँ भूख हड़ताल पर छथि। हुनक हालत लगातार खराब भ रहल अछि। हुनक वजन सवा आठ किग्रा खासी पड़ल।
याचिकामे इमरजेंसी ट्रीटमेंट देबाक मांग कयल गेला अछि, ओहिमे कहल गेल अछि जे सरकार सोनम वांगचुककेँ तुरंत इमरजेंसी ट्रीटमेंट, जीवनरक्षक उपचार आ जरूरी पोषण उपलब्ध कराओल गेल अछि। संगही सरकार हुनक आंदोलनसँ जुड़ल मुद्दा पर बातचीत शुरू करय। भूख हड़तालक बादसँ सोनम वांगचुकक करीब 8.25 किलो वजन घटि गेल अछि। हुनका लो ब्लड शुगर, चक्कर, बेसी कमजोरी आ मांसपेशी कमजोर होयबाक दिक्कत भ रहल अछि।
ककरो जान खतरामे होय पर सरकार चुप नहि रहि सकैत अछि। भूख हड़ताल शांतिपूर्ण विरोधक अधिकार अछि, मुदा नागरिकक जान बचेनाइ सेहो सरकारक जिम्मेदारी अछि।
कॉकरोच जनता पार्टी नीट पेपर लीकक विरोधमे 20 जूनसँ जंतर-मंतर पर प्रदर्शन कय रही अछि। ओ शिक्षा मंत्री धर्मेंद्र प्रधानक इस्तीफाक मांग कय रहल अछि। सोनम वांगचुक सेहो हुनक आंदोलनमे शामिल छथि। एही पार्टीक स्थापना चीफ जस्टिस सूर्यकांत द्वारा बेरोजगार युवाक तुलना कॉकरोचसँ करय केर बाद बनल छल।
कांग्रेस सांसद शशि थरूर सोशल मीडिया पर लिखलनि, सोनम वांगचुकसँ हमर भावनात्मक अपील अछि कि ओ अपन अनशन समाप्त करथि। आँहाँ देशक अंतरात्माकेँ झकझोरि देलियै आ कोनो अनशनक इ उद्देश्य होयत अछि। देशकेँ आगूक लंबा लड़ाई लेल आँहाँक आवाजक जरूरत अछि।
सोमदिनसँ संसदक सत्र शुरू भ रहल अछि। हमरा लोकतंत्रक सर्वोच्च मंच पर छात्रक मुद्दा उठाबय केर अवसर भेटत। एही समस्याक समाधान संसदमे होयबाक चाहि, नहि कि ककरो जान जोखिममे डालय वला अनशनसँ। कृपया हमर अपील स्वीकार करु।
जनतब दी जे लद्दाखकेँ पूर्ण राज्यक दर्जा दियाबय केर मांगकेँ ल कय आंदोलन कय रहल सोनम वांगचुक 170 दिन धरि जोधपुर जेलमे रहलाह। हुनक अनशनक दौरान 24 सितंबर 2025 केँ लेहमे हिंसा भेल, जाहिमे 4 लोकक मृत्यु आ 90 लोक घायल भेल छल।
सरकार हिंसा भड़काबयक आरोप वांगचुक पर लगौलक। एकर दू दिन बाद, 26 सितंबरकेँ हुनका राष्ट्रीय सुरक्षा अधिनियमक तहत हिरासतमे ल कय जोधपुर जेल भेज देने छल।
