राजनगर ओपन बैडमिंटन क्लबक द्वारा आयोजित फाइनल मैचमे अतिथिगण द्वारा पारितोषिक वितरण कयल गेल। जाहिमे मुख्य अतिथि छलाह मधुबनीक मेयर अरुण रायक सुपुत्र प्रशांत राय, अमरनाथ प्रसाद साह, प्रमोद मंडल, लाल बाबू राय, गजेंद्र झा, मुखिया सविता चौधरी, गुलाब यादव, अमित रावत, गोविंद साह, झारखंडमे कार्यरत बैडमिंटन कोच भारत कुमार शाह राजनगर बैडमिंटन क्लबक अध्यक्ष श्रवण कुमार साह, सचिन राकेश गुप्ता, उपाध्यक्ष विश्वनाथ राय, उपसचिव धीरेंद्र राय पब्लिक पुस्तकालयक सचिव मौसम कुमार गुप्ता, मृत्युंजय कुमार कुंदन एवं राजनगरक अनेको गणमान्य व्यक्ति उपस्थित छलाहl
कुल दस श्रेणीमे खेलल गेल फाइनल मैचक दसो फाइनल मैचमे बालक एकल भीतर 13 केर विजेता रहमत तऽ उपविजेता अजान अली भेलैथ। बालिका एकल भीतर 13 मे विजेता अनन्या त उपविजेता आयशा परवीन भेलीह। बालक एकल अंदर 15 मे पीयूष विजेता त अजान अली उपविजेता भेल। बालक डबल अंदर 15 मे पीयूष आ आजान विजेता तऽ शिवम आ रहमत उपविजेता रहल। बालिका 17 मे रिया विजेता तऽ अनन्या उपविजेता भेल। बालक एकल अंदर 19 मे श्रवम मिश्रा विजेता तऽ राजन गुप्ता उपविजेता भेल। पुरुष एकलमें राजन गुप्ता विजेता तऽ प्रणव कुमार उपविजेता भेल। महिला एकलमे रिया कुमारी विजेता तऽ कल्याणी कुमारी उपविजेता रहल। पुरूष डबलमे श्रवण आ राजन विजेता तऽ राजेश आ आयान उपविजेता रहल।
राजनगर पब्लिक लाइब्रेरी परिसरमे आयोजित एहि टूर्नामेंटक अंतिम दिन फाइनल मैचक बाद पुरस्कार वितरण समारोहक आगत अतिथि सभ सम्बोधित करैत खेल केर तन मन हेतु लाभदायक तऽ दोसर दिस सामाजिक सम्बन्धक मजबूत पकड़ बतौलथि।
