उत्क्रमित माध्यमिक विद्यालय पिलखवारमे मंगल दिन शिक्षा संवाद कार्यक्रमक आयोजन कयल गेल। उदघाटन वरीय उप समाहर्ता नशिन कुमार निशांत , प्रखंड प्रोजेक्ट मैनेजर रंजीत कुमार गुप्ता, जेई एसएसए अनुप राज, मुखिया प्रतिनिधि भागेश्वर यादव, प्रभारी प्रधानाध्यापक तरुण कुमार सिन्हा संयुक्त रूपसँ कयलनि। वरीय उप समाहर्ता निशांत नेना अभिभावककेँ संबोधित करैत कहलनि कि शिक्षा व्यवस्था केर सुदृढ करबाक लेल सरकार कृतसंकल्पित अछि। एहनमे सभ हाई स्कूलमे शिक्षा संवादक आयोजन कयल जा रहल अछि। जाहिसँ कि नेना व अभिभावक अपन समस्या केर खुजिकय राखि सकय। सरकार साईकिल योजना, छात्रवृत्ति योजना, पोशाक योजना, निशुल्क पाठ्यक्रम पुस्तक वितरण योजना, किशोरी स्वास्थ्य योजना, कन्या उत्थान योजना, परिभ्रमण योजना, स्टूडेंट क्रेडिट कार्ड योजना समेत अनेक योजनाएं चला रहल अछि। ई सभ योजनामे नेना भुटकाकेँ उत्थानक लेल चलाओल जा रहल अछि। योजना सभक सतत अनुपालनक लऽ कऽ ई संवाद आयोजित कयल जा रहल अछि, ताकि नेनाक योजनाकेँ बुझल जा सकय। अभिभावककेँ सेहो एहि योजना सभक जानकारीक लेल बजाओल जा रहल अछि। कार्यक्रमक अध्यक्षता प्रभारी एचएम तरुण कुमार सिन्हा कयलनि। मंच संचालन रामानंद प्रसाद कयलनि। एहि अवसर पर वरीय शिक्षक जय प्रकाश मिश्र, अजीत कुमार दास, संतोष पासवान, गौसूल रब्बानी, तौकीर हुसैन, रतिकांत झा, किरण देवी, कुमारी कल्पना, कुमारी प्रेरणा, उमा कुमारी, दिव्या शालिनी सहित कतेको लोकनि उपस्थित छलैथ।
