एकमात्र मैथिलीसँ मिथिलावासीक सभ आस पुर

मैथिली पुनर्जागरण अभियान

*
०१) मैथिली रोजगार देत, मैथिलीसँ पलायन रुकत, मैथिलीसँ आत्मनिर्भर बनब, मैथिली आश्रितसँ संरक्षक बनायत।

०२) मैथिली संवैधानिक (अष्टम अनुसूचीक) भाषा।

०३) आइ कोर्टमे मैथिलीमे वकील बहस करैत छथि आ जज सुनैत छथि, अनुमोदन करैत छथि।

०४) संसदमे सांसद मैथिलीमे शपथ लऽ रहल छथि।

०५) राष्ट्रीय शिक्षा नीति २०२० स्पष्ट रूपसँ कहैत अछि, कमसँ कम कक्षा पाँच धरि शिक्षाक माध्यम घरक भाषा/मातृभाषा/स्थानीय भाषा/क्षेत्रीय भाषा होयत।

०६) तऽ तखनि मैथिलीक व्यवहारसँ कोन बातक संकोच होइत अछि, मैथिलीक सभ शैली मैथिलीए छैक।

०७) सरकारी/गैर-सरकारी कार्यालय, कोर्ट-कचहरी, बैंक, माॅल, हाट-बाजार, अस्पताल, कोनो अधिकारी (आफिसर), थाना, पोस्ट आफिस, नगर-निगम, विद्यालय, महाविद्यालय अर्थात सर्वत्र मैथिलीमे व्यवहार करु, कियो रोकि नहिं सकैत अछि।

०८) मैथिलीमे व्यवहारक अर्थ, चाहे कोनो अधिकारी होइथ वा कोनो सेवादार, कोनो हाकिम, डाॅक्टर, इंजीनियर, वकील, शिक्षक, कियो होइथ तिनकासँ मैथिलीमे गुमानक संग गप्प करब, सामनेवाला जँ अन्य भाषामे गप्प करैत छथि तऽ शालीनतासँ पुछब जे ‘की अहाँकेँ मैथिली नहिं अबैत अछि’। तहिना कोनो सरकारी/गैर-सरकारी कार्यालय, अर्थात कोनो संस्थान, सभठाम लिखित व्यवहार मैथिलीमे करब आ गौरवक संग करब, बेझिझक करब, कियो रोकि नहिं सकैछ।

०९) व्यवहारसँ रोजगार होइत छैक, अर्थात जकर व्यवहार तकर रोजगार, सर्वत्र मैथिलीमे व्यवहार करब तऽ स्वतः ताहिमे मिथिलेवासीक आवश्यकता हेतै आ स्वतः सबटा रोजगार मिथिलेवासीकेँ भेटतै आ तखनि जेना महाराष्ट्र, बंगाल, पंजाब, दक्षिण आदिक लोककेँ कतौह बाहर जयबाक आवश्यकता नहिं होइत अछि, तहिना मिथिलोवासीकें नहिं होएत। एहिसँ सरकारी नौकरी सेहो सभ क्षेत्रमे उत्पन्न होयत आ सरकारी नौकरीमे आरक्षण आदि जेना रहैत अछि, तहिना रहतै, अर्थात सबहक लाभे-लाभ अछि।

सादर
मैथिली पुनर्जागरण अभियान
मैथिल पुनर्जागरण प्रकाश फोरम
*
मैथिल पुनर्जागरण प्रकाश (राष्ट्रीय मैथिली दैनिक) केर देल गेल लिंकसँ आनलाईन पाठक बनू, सालाना पाठककेँ निःशुल्क विज्ञापन ऑफर। संपर्क : 7480018873, लिंक : –
https://www.mppdainik.com/e-paper