ईरान परमाणु हथियार बनेबाक इच्छा नहि रखलक, शांति वार्ता लेल भारतक स्वागत करब : अराघची
नई दिल्ली। समदिया
ईरानक विदेश मंत्री अब्बास अराघची भारत आ ईरानक रिश्ताकेँ बेहद महत्वपूर्ण बतबैत कहलनि कि दुनू देशक बीच गहरी मित्रता आ मजबूत रणनीतिक सहयोग मौजूद अछि। ओ भारतीय सरकार आ विदेश मंत्री एस. जयशंकरक मेहमाननवाजीकेँ खुलिकय सराहना कयलनि।
अराघची कहलनि कि पिछला दू महीनाक दौरान, जखनि हुनक देश पर आक्रामक कार्यवाही भ रहल छल, तहन भारत लगातार संपर्कमे रहल। ओ कहलनि कि भारत नहि सिर्फ कूटनीतिक समर्थन देलक बल्कि मानवीय सहायताक जरिए सेहो ईरानी जनताक संग एकजुटता देखौलक। ईरानी विदेश मंत्री कहलनि “हम भारतक संग अपन संबंधकेँ बहुत महत्व देता छी। भारत हमेशासँ एही क्षेत्रमे संतुलित आ सम्मानजनक भूमिका निभाबैत रहल अछि।”
पश्चिम एशियामे जारी तनावकेँ ल अराघची अमेरिका आ इस्राइल पर तीखा हमला कयलनि। ओ आरोप लगौलनि कि जखनि ईरान आ अमेरिकाक बीच बातचीत चलि रहल छल, ओहि दौरान अमेरिका आ इस्राइल हमला कय देलक। ओ कहलनि “हम कूटनीतिक बीच छलौंह, मुदा ओहि समय हमरा पर हमला भेल। इ पूरा तरहेँ उकसावे वला कार्यवाही छल।”
अराघची कहलनि कि एही पूरा घटनाक्रमसँ ईरान आ अमेरिकाक बीच भरोसाकेँ आओर कमजोर कय देलक अछि। हुनक मोताबिक, आइ अमेरिका दिससँ किछो संदेश आबैत अछि आ अगिला दिन किछो आओर। इ ही अविश्वासक सबसँ पैघ कारण अछि।
ईरानी विदेश मंत्री कहलनि कि फिलहाल संघर्ष विराम लागू अछि, मुदा हालात अखनो बेहद नाजुक बनल अछि। ओ स्पष्ट कहलनि कि ईरान कोनो दबाव वा प्रतिबंधक आगू झुकय वला नहि अछि। अराघची कहलनि कि ईरानी जनता सिर्फ सम्मानक भाषा बुझैत अछि। हम हर बेर दबावक मुकाबला कयलौंह आ आगू सेहो करब। ओ कहलनि कि ईरान कोनो सैन्य समाधानमे विश्वास नहि करैत अछि आ क्षेत्रीय शांतिक लेल बातचीत सबसँ नीक रास्ता अछि। ओ कहलनि कि पाकिस्तानक मध्यस्थताक कोशिश अखनि विफल नहि भेल अछिआ बातचीतक रास्ता अखनि खुजल अछि। अराघची साफ कहलनि कि ईरान कहियो परमाणु हथियार बनेबाक इच्छा नहि रखलक। हुनक मोताबिक, ईरानक परमाणु कार्यक्रम पूरा तरहेँ शांतिपूर्ण उद्देश्यक लेल अछि आ एकरा ल कय कतेको गलत धारणा फैलाओल जा रहल अछि।
अराघची पश्चिम एशिया संकटमे भारतक भूमिकाकेँ बेहद अहम बतौलनि। ओ कहलनि कि भारतक छवि सभ देशक बीच सकारात्मक अछि आ ओ शांति बहालीमे रचनात्मक भूमिका निभा सकैत अछि। ओ कहलनि “भारत फारस केर खाड़ीक सभ देशक मित्र अछि। हम चाहय छि कि भारत एही क्षेत्रमे शांति आ सुरक्षाकेँ बढ़ावा देबा लेल आगू आबय।” ईरानी विदेश मंत्री इहो कहलनि कि जँ भारत कोनो सकारात्मक मध्यस्थताक भूमिका निभाबैत अछि तँ ईरान स्वागत करत।
