ऑन-स्क्रीन मार्किंग पर सीबीएसई केर महत्वपूर्ण फैसला, पुनर्मूल्यांकन शुल्क 100 रुपया

नई दिल्ली। समदिया

छात्रककें हितमे कदम उठाबैत सीबीएसई बोर्ड पुनर्मूल्यांकन आ उत्तर पत्र सत्यापनक शुल्कमे काफी कमी कयलक, जाहिसँ ई प्रक्रिया आसान आ सस्ता भ गेल अछि।

सचिव संजय कुमारक कहनाय छनि जे आब कोनो छात्रसँ उत्तर पत्र देखय लेल ₹100, सत्यापनक लेल ₹100 आ कोनो विशिष्ट सवालक फेरसँ जांच करय लेल ₹25 शुल्क लेल जाएत। संगहि ओ कहलनि जे, सत्यापन प्रक्रियामे यदि कोनो छात्रक अंक बढ़ल वा संशोधित कयल जायत तँ पूरा शुल्क वापस भ जायत।

सचिव संजय कुमार कहलनि जे, शिक्षा मंत्रालय आ सीबीएसई सभ छात्रक हितमे सर्वोपरि अछि। ओ एहि बात पर जोर देलनि जे कोनो विद्यार्थी केँ ई महसूस नहि करबाक चाही जे हुनका अपन वास्तविक प्रदर्शनसँ कम अंक भेटल अछि।

ओ कहलनि कि सीबीएसईक भीतर पुनर्मूल्यांकन प्रणाली पहिनेसँ मौजूद अछि आ आब ई सुनिश्चित कयल जायत कि सभ अंकक गणना पूरा तरहेँ सही आ सही तरीकासँ कयल जाय। ओ इहो कहलनि जे, जौं कोनो छात्र अपन उत्तर पत्र देखय वा सत्यापन करय चाहैत छथि तँ कम शुल्क लेल जायत, जाहिसँ छात्रक लेल प्रक्रिया आसान आ पारदर्शी भ जायत।

एहि प्रक्रियाकेँ पहिल चरणमे उत्तर पत्रकेँ स्कैन कएल गेल प्रति प्राप्त करय लेल प्रति विषय ₹700 शुल्क निर्धारित कएल गेल छल। दोसर चरणमे त्रुटि सत्यापनकेँ लेल ₹500 प्रति उत्तर पत्रक आ पुनर्मूल्यांकनकें लेल ₹100 प्रति प्रश्नकें शुल्क निर्धारित कयल गेलय।

पहिल चरण मूल्यांकन कयल गेल उत्तर पत्रकें स्कैन कयल गेल प्रतिकें लेल आवेदन करबाक अछि। 12वीं कक्षाक फीस आ शेड्यूल फाइनल भ चुकल अछि। आवेदन छात्रकें स्वयं ऑनलाइन जमा करब आवश्यक अछि। आवेदन करय लेल साइबर कैफे वा अन्य उपयोगसँ बचयकें सलाह देल गेल अछि। स्कैन कयल गेल कॉपी छात्रकें लॉगिन आईडी पर उपलब्ध कराएल जायत, जतयसँ ओकरा डाउनलोड कयल जा सकैत अछि। प्रतिलिपि “पहिने आउ आ पहिने पाउ वला” केर आधार पर उपलब्ध होयत, मतलब जे पहिने आवेदन करत ओकरा पहिने प्रतिलिपि भेटत। विद्यार्थी एक वा एकसँ बेसी विषयक लेल आवेदन कय सकैत छथि, मुदा एक बेरमे मात्र एक आवेदन करय पड़त। जँ छात्र अपन अंकसँ असंतुष्ट अछि तँ ओ आगूकें सत्यापन वा पुनर्मूल्यांकनकें लेल आवेदन कय सकैत अछि।