समुद्री डाकू एक बेर फेर अरब सागरमे एकटा जहाजकेँ निशाना बनओलक। भारतीय अधिकारीसभक अनुसार, कोच्चिसँ लगभग ७०० समुद्री मील पश्चिममे सोमालिया समुद्री डाकू सभ एकटा ईरानी माछ मारयवला जहाजकेँ अपहरण कऽ लेलक। मुदा, एहि घटनाक बाद भारतीय नौसेना जहाजक बचावमे अपन युद्धपोत लगा देलक आ ओकरा लुटेरासभक कब्जासँ मुक्त करा देलक।
अधिकारीलोकनि कहलनि जे एहि ईरानी जहाजक नाम एमवी इमान अछि आ एहिमे चालक दलक १७ सदस्य छलाह। भारतीय युद्धपोत आईएनएस सुमित्रा बचाव अभियान शुरू केलक। ई देखि युद्धपोतमे उपस्थित ध्रुव हेलीकॉप्टर ईरानी जहाजकेँ घेरि लेलक आ ओकरा चेतावनी जारी कयलक। तखन सोमाली समुद्री डाकूसभकेँ कहल गेल जे ओ अपन हथियार राखि सोमालिया दिस बढ़ि जाय। एकर बाद नौसेना जहाज पर सवार सभटा लोककेँ निकालि लेलक।
