संस्कृत शिक्षा बढ़ेबाक लेल चैनपुर ग्रामीण सभाक आयोजन
*
सहरसा समदिया
*
संस्कृत शिक्षा केर बढ़ावा देबय लेल चैनपुर गाममे स्थित काली मंदिर परिसरमे पंडित शिवतोष झा’क अध्यक्षतामे ग्रामीणक बैसारक आयोजन कयल गेल। भागीरथ हाई स्कूल केर प्रधानाध्यापक उमेश झा कहलनि जे ई भूमि संस्कृत विद्वानक भूमि रहल अछि। एतय पहिने सुग्गा तक संस्कृत मे गप्प-सप्प करैत छल। जकर प्रत्यक्ष प्रमाण एखनो हर कण मे मौजूद अछि । ओ कहलनि जे स्वतंत्रता सँ पहिने एतय संस्कृत शिक्षा काफी मजबूत छल । चैनपुर मे बहुत रास संस्कृत विद्वान आ विशेषज्ञ छलाह जे संस्कृत शिक्षाक प्रचार करैत छलाह। संगहि भागीरथ हाई स्कूल द्वारा बच्चा सब के निःशुल्क आवासीय शिक्षा देल जा रहल छल। मुदा कोरोना काल मे एहि व्यवस्था केर स्थगित करय पड़ल छल। आब फेर वैह व्यवस्था शुरू भऽ रहल अछि। झा कहलनि कि संस्कृत भाषा विश्वक सबसँ समृद्ध भाषा अछि। संस्कृत भाषा मे शब्दक विशाल भंडार अछि । एकरा दिव्य वाणीक नामसँ सेहो जानल जाइत अछि। ई भाषा वैज्ञानिक ज्ञानसँ भरल रोजगारपरक भाषा अछि । ओ कहलनि जे दुनियाक सबसँ कमजोर आ समृद्ध भाषा अंग्रेजी अछि जाहिमे मात्र २६ हजार शब्द अछि। जखन कि गुजराती मे ४० हजार शब्द, मराठी मे ७८ हजार शब्द, मैथिली मे ८० हजार शब्द आ संस्कृत मे डेढ़ लाखसँ बेसी शब्द अछि। मुदा अंग्रेज सबहक कुटिल नीतिक कारण संस्कृत शिक्षा केर बर्बाद कय कान्वेंट केर माध्यमसँ अंग्रेजी भाषा थोपल गेल। ताहिसँ मैकाले कहैत छल शक्ल सूरतसँ भारतीय मुदा हृदय अंग्रेजक बनि जायत। एहन स्थिति मे हमर बच्चा सबकेँ वैज्ञानिक आ रोजगारक भाषाक रूपमे संस्कृतक पढ़ाईकेँ निःशुल्क व्यवस्था भऽ रहल अछि। एहि अवसर पर पंडित विनय कुमार झा, अरुण झा, सोहन ठाकुर, मोहन ठाकुर, मुकेश ठाकुर, विमल कांत झा, विक्रम झा, गोपाल मिश्र, विजय मिश्र, सचिव सुंदरकांड ठाकुर आ सुनील कामत आदि उपस्थित छलाह।
