बिहारमे मॉडल स्कूलक भगवा रंग पर राजनीति, जदयूक सेहो आपत्ति

पटना। समदिया

मॉडल स्कूलमे पहिने गुलाबी, आसमानी, नीले या पीले रंगक छल, आब भगवा रंगमे रंगल गेल अछि। एकर अतिरिक्त एही सभ स्कूलक नाम बदैल कय ‘सरस्वती विद्या निकेतन’ राखल गेल अछि।

बिहार सरकारक सभ 551 राज्य मॉडल स्कूलकेँ भगवा रंगसँ रंगबाक फैसलाकेँ ल कय सवाल उठि रहल अछि, मुदा मात्र विपक्षक दिससँ नहि, भाजपाक सहयोगी जदयू सेहो सवाल उठा रहल अछि। एही मॉडल स्कूलक नाम बदलि कय ‘सरस्वती विद्या निकेतन’ (क्लास 90 सँ 12 लेल) राखल गेल अछि, एहीकेँ औपचारिक रूपसँ मुख्यमंत्री सम्राट चौधरी रविदिन   बेगूसरायमे आयोजित एगो कार्यक्रममे शुरू कयलनि।

सरस्वती विद्या निकेतन स्कूलमे आधुनिक डिजिटल बुनियादी ढाँचा, ई-लाइब्रेरी आ स्मार्ट कक्षाक सुविधा अछि। संगहि लाइव इंटरएक्टिव क्लासक अलावा जेईई आओर नीट परीक्षाक लेल फ्री कोचिंग सेहो देल जाएत।

विपक्षी दल सभ एहि कदमक आलोचना करैत एकरा शिक्षाकेँ ‘भगवाकरण’ केर शुरुआत बतौलक अछि।

जदयू सेहो एहि पर आपत्ति जतेलक अछि। जदयूक प्रवक्ता नीरज कुमारक कहनाय छनि जे सिर्फ रंग बदललासँ शिक्षाक अधिकारक गारंटी नहि, महत्व इ अछि की बच्चाकें गुणवत्तापूर्ण शिक्षा भेटय। एतबे नहि, जमीन दान करयवला केर नाम शिलापट्टमे नीचा आबि जाय तँ इहो पुरखकक सम्मानक विषय थिक। पहिने स्कूलक रंगक संबंधमे कोनो विशिष्ट निर्देश नहिं छल, पीयर, गुलाबी वा आसमानी नीला रंगक प्रयोग आमतौर पर होइत छल आ रंगक चुनाव हेडमास्टरक विवेक पर छोड़ि देल जाइत छल, हालांकि अधिकांश स्कूल गुलाबी रंगक रंगल अछि। स्कूल जखन कि पहिने अपन फंडक उपयोग कय एहि काजकेँ संभालैत छल, मुदा आब इ काज सीधा विभाग द्वारा निष्पादित कय देल गेल अछि। स्कूलक लेल जमीन दान करय वला दाता सेहो नाराज छथि। शिक्षा विभागक नव निर्देशक तहत जकर उद्देश्य अछि कि सभ ‘आधुनिक स्कूल’ मे एकरूपता सुनिश्चित कयल जाय, बाहरी दीवाल पर भगवा रंगसँ रंगय केर फैसला कयल गेल अछि। कक्षाकेँ इंटीरियर उज्जर रंगक होयबाक चाही, जखन कि मुख्य गेट पर हल्का पीला वा गोल्डन रंगक रंग होयबाक चाहि। स्कूलक लेल जमीन दान करय वला व्यक्तिक परिवारमे सेहो आक्रोश अछि आ जिनक नामसँ स्कूल छल, एहन सभ संस्थानक नाम बदलि कय ‘सरस्वती विद्या निकेतन’ कायल गेल। मुदा, मूल नाम नहिं हटाओल गेल अछि, चाहे ‘सरस्वती विद्या निकेतन’ हुनक लोकनिक नामक उपसर्ग लगाओल गेल अछि । जदयू सेहो एहि कदम पर सवाल उठौलक अछि।