26 जनवरी गणतंत्र दिवस केर शुभ अवसर पर 4 बिहार बालिका बटालियन केर निर्देशनमे रमेश झा महिला महाविद्यालयक एनसीसी कैडेट जिला प्रशासन द्वारा आयोजित सहरसा स्टेडियम परेडमे भाग लेलक आ तेसर स्थान प्राप्त केलक। एहि अवसर पर कैडेट कए जिलाधिकारी वैभव चौधरी द्वारा पदकसँ सम्मानित कयल गेल। एहि संबंधमे कॉलेजक प्राचार्य प्रो राजीव सिन्हा 4 बिहार बालिका बटालियनक कमांडिंग ऑफिसर कर्नल रणधीर सतीश डी, केयर टेकर डॉ. पूजा कुमारी आ हवलदार परमानंद सब कैडेटकेँ बधाई आ शुभकामना देलथि। कैडेटमे मुख्य रूपसँ अंडर ऑफिसर संझा, अंडर ऑफिसर रजनी, कपल गौरी, मनीषा, शिवराम मुस्कान, सुलेखा, पूनम, नेहा, सृष्टि, पल्लवी, अनवी, निशा, नेहा, शिवानी, नवदुर्गा, ऋचा रानी, अमीशा, प्रियम, रोशनी, खुशबू, रिशु शामिल कयल गेल छल। जनतब हो जे पहिल पुरस्कार स्वास्थ्य विभाग केर दोसर पुरस्कार शिक्षा विभाग केर आ तेसर पुरस्कार एनसीसी बालिका बटालियनकेँ देल गेल।
