पुरान क्लब जकाँ अछि सुरक्षा परिषद, एहि पर नियंत्रणक सबहक ईच्छा – विदेश मंत्री जयशंकर
बेंगलुरु
*
केन्द्रीय विदेश मंत्री एस जयशंकर संयुक्त राष्ट्र सुरक्षा परिषद (यूएनएससी) पर सवाल उठौलनि अछि। ओ संयुक्त राष्ट्र सुरक्षा परिषदकेँ एकटा पुरान क्लब बतौलनि। ओ कहलनि “सुरक्षा परिषद एकटा पुरान क्लब जकाँ अछि जाहिमे जे सदस्य छथि ओ क्लबपर अपन पकड़ नहिं खोबय चाहैत छथि, ओ आओर आन सदस्सकेँ एहिमे सम्मलित नहिं होमय देबय चाहैत छथि।” ओ कहलनि “ई मानवीय विफलता अछि। हमरा लगैत अछि जे ई आइ दुनियाकेँ नुकसान पहुंचा रहल अछि।”
ओ कहलनि “संयुक्त राष्ट्र दुनियाक सामने आबि रहल प्रमुख मुद्दा पर कमसँ कम प्रभावी भऽ रहल अछि।
हम अहांकेँ वैश्विक भावना सेहो बता सकैत छी। हमर मतलब, आइ जँ अहां दुनियाक २०० देशसँ पूछब जे ‘की अहां सुधार चाहैत छी वा नहि ?’ पैघ संख्यामे देश एकरा लेल ‘हँ’ कहत।”
