जे मेडल आनत से सरकारी नौकरी पाओत – तेजस्वी
पटना
*
बिहारक उपमुख्यमंत्री तेजस्वी यादव कहलनि जे हम खेलसँ जुड़ल ८१ गोटेकेँ चयन कयने छी, जिनका हम नौकरीक माध्यमसँ अधिकारी बना रहल छी। हम ओहि लोकसभकेँ जल्दिये जॉइनिंग लेटर सेहो देब। ओ घोषणा कयलनि जे बिहारमे पदक आनयवला कोनो खेलाड़ीकेँ नौकरी भेटत।
शनिदिन एकटा निजी स्कूलक कार्यक्रममे भाग लैत लोकसभकेँ सम्बोधित करैत तेजस्वी कहलनि जे “पहिने एकटा कहावत छल जे ‘जँ अहाँ पढ़ब-लिखब तँ नवाब बनब आ खेलब-कूदब तऽ खराब बनब।’ मुदा आब ई काज नहिं करत। आब आर्टिफिशियल इंटेलिजेंस आ स्पोर्ट्स केर युग अछि। एहन स्थितिमे आब ई आवश्यक अछि जे बच्चा सभ आईफोन आ टैब छोड़ि खेलक मैदान जाइथ।”
एहि दौरान ओ अध्ययनक संग-संग खेलकेँ महत्वपूर्ण बतौलनि आ कहलनि जे बिहार सरकार एकटा एहन नीति अनलक अछि कि जे पदक आनत, रोजगार प्राप्त करत। हम सभ अपन राज्यमे खेलकेँ बढ़ावा देबाक लेल एकटा नीति बनौलौंह अछि।
ओ कहलनि जे हम खेलसँ जुड़ल ८१ गोटेकेँ चयन कयने छी, जिनका हम नौकरीक माध्यमसँ अधिकारी बना रहल छी। हम ओहि लोकसभकेँ जल्दिये जॉइनिंग लेटर सेहो देब। ओ विरोधीक डिग्रीपर सवाल उठयनिहार लोकसभकेँ सेहो जवाब दैत कहलनि जे ओ दूटा मुख्यमंत्रीक बेटा छथि। जँ ओ चाहितथि तँ गलत तरीकासँ सेहो डिग्री प्राप्त कऽ लैतथि, मुदा नहिं कयलहुँ।
