अमित शाहक बयानक मांग संसद सुरक्षा उल्लंघनक मामिलामे जारी राखत इंडिया अलायन्स
नई दिल्ली
*
भारतीय राष्ट्रीय विकासात्मक समावेशी गठबंधन (इंडिया)क नेता मंगलदिन राज्यसभामे प्रतिपक्षक नेता मल्लिकार्जुन खड़गेसँ भेंट कयलनि आ ई निर्णय कयल गेल जे शेष सांसद १३ दिसम्बरकेँ संसदक सुरक्षा उल्लंघनपर केन्द्रीय गृह मंत्री अमित शाहक बयानक लेल दबाव बनबैत रहताह।
राकांपा नेता शरद पवार सहित विपक्षी गुटक नेता आइ भोरे संसद परिसरमे खड़गेसँ हुनक कक्षमे भेंट कयलनि।
नेतासभक अनुसार, इंडिया ब्लॉकक सांसद संसदमे शाहक बयानक माँग करैत रहताह, जखन कि निलंबित विधायक महात्मा गाँधीक प्रतिमाक सामने विरोध प्रदर्शन करत।
शेष शीतकालीन सत्रक लेल दुनू सदनक कुल १४१ सांसदकेँ एखनि तक निलम्बित कऽ देल गेल अछि।
१३ दिसंबरकेँ शून्यकालक कार्यवाहीक क्रममे दूटा व्यक्ति लोकसभामे प्रवेश कयलनि आ दर्शक दीर्घासँ कूदि सदनक भीतर पीयर रंगक धुआँ पसारलनि। दिल्ली पुलिस सुरक्षा उल्लंघनक मामिलामे एखनि तक छः गोटेकेँ बंदी बनौलक अछि। ई सुरक्षा उल्लंघन १३ दिसम्बर २००१ केर संसद पर भेल आतंकी हमलाक २२ म बरसी पर भेल।
