मोहन यादव शपथ लेताह मध्यप्रदेशक नव मुख्यमंत्रीक रुपमे

भोपाल
*
मध्य प्रदेशमे नव मुख्यमंत्रीक घोषणा कयल गेल अछि। बैसारमे मोहन यादवकेँ विधायक दलक नेता चुनल गेल अछि। मुख्यमंत्री शिवराज सिंह चौहान राज्यपालकेँ अपन इस्तीफा सौंपि देलनि। राज्यपाल मोहन यादवकेँ सरकार बनेबाक लेल आमंत्रित कयलनि अछि। नव सरकार आइ वा काल्हि १४ दिसम्बरकेँ शपथ लेत। राज्यपालसँ भेंट कयलाक बाद मोहन यादव केन्द्रीय पर्यवेक्षकसभकेँ हवाइ अड्डापर विदा कऽ देलनि। एकर बाद ओ मुख्यमंत्री निवास पहुँचलाह। ओतय कार्यवाहक मुख्यमंत्री शिवराज सिंह चौहान हुनक स्वागत कयलनि। एम्हर राजभवन मोहन यादवकेँ सरकार बनेबाक लेल आमंत्रित केलक अछि। प्रधानमंत्री नरेन्द्र मोदीक कार्यक्रमक निर्णय होइत आइ वा काल्हि १४ दिसम्बरकेँ शपथ ग्रहण समारोह आयोजित कयल जायत। वर्तमानमे शपथ ग्रहण समारोह आइ १३ दिसम्बरकेँ लाल परेड मैदानमे होयबाक सूचना भेटि रहल अछि। समय बादमे तय कएल जाएत। हुनका संग कतेक मंत्री शपथ लेताह, इहो एक-दू दिनमे तय भऽ जायत। कांग्रेस प्रदेश अध्यक्ष कमलनाथ मोहन यादवकेँ सोशल मीडिया पर बधाई दैत कहलनि “भाजपा विधायक दलक नेता चुनल गेला पर श्री मोहन यादवकेँ बधाई।हमरा आशा अछि जे ओ मध्य प्रदेशक मुख्यमंत्रीक रूपमे कानूनी रूपसँ आ बिना कोनो द्वेषक शासन करताह।” उज्जैन ग्रामीण विधायक पूर्व कैबिनेट मंत्री मोहन यादवकेँ मुख्यमंत्री आ मंदसौर जिलाक वरिष्ठ विधायक बनाबय केर भारतीय जनता पार्टीक केंद्रीय नेतृत्वक निर्णय पर पूर्व कैबिनेट मंत्री जगदीश देवड़ा के उप मुख्यमंत्री बनाबय के निर्णय पर भाजपा जिला अध्यक्ष नानालाल अटोलियाक नेतृत्वमे जिला भाजपा कार्यालयक बाहर आतिशबाजी आ मिठाई बांटि कय शीर्ष नेतृत्वक प्रति आभार व्यक्त कयलथि। जगदीश देवड़ाक विधानसभा क्षेत्र मंदसौर जिलाक मल्हारगढ़मे सेहो कार्यकर्ता लोकनि आतिशबाजी कयलनि। एक दोसराकेँ मिठाई खुआ कय आनंदोत्सव कयलनि। मंदसौरमे देवड़ा समर्थक महाराणा प्रताप क्रॉसिंग पर आतिशबाजीसँ ढोलक थाप पर नाच कऽ अपन खुशी व्यक्त केलनि। जगदीश देवड़ाक नामकेँ उपमुख्यमंत्रीक जहिना मंजूरी देल गेल, कतेको समर्थक मंदसौर जिला मुख्यालयमे स्थित देवड़ाक निवास पर सेहो पहुँचि अपन प्रसन्नता व्यक्त कयलनि।

मध्य प्रदेशक मनोनीत मुख्यमंत्री मोहन यादव राज्यपालसँ भेंट कऽ सरकार बनयबाक दावा पेश कयलनि। नव सरकार १४ दिसंबरकेँ प्रायः शपथ लेत। मोहन यादवक संग मात्र किछु नेता शपथ लेताह। ओकर बाद कैबिनेटक विस्तार कएल जाएत। कहल जा रहल अछि जे राजेन्द्र शुक्ला आ जगदीश देवराक संग किछु मंत्री शपथ लऽ सकैत छथि। ई स्पष्ट नहि अछि जे अगिला सरकारमे प्रह्लाद पटेल, कैलाश विजयवर्गीय आ शिवराज सिंह चौहान की भूमिका निभौताह। आबयवला दिनमे स्थिति स्पष्ट भऽ सकैत अछि। पार्टीक पूरा ध्यान आब राष्ट्रीय राजनीति अर्थात २०२४क लोकसभा चुनाव पर रहत आ पार्टीक लक्ष्य राज्यक सभटा २९ सीट जीतब होयत। पार्टी २०१९क लोकसभा चुनावमे छिंदवाड़ाकेँ छोड़िकय राज्यक २९ सीटमेसँ २८ सीट जितने छल।