मोदी-नीतीश मंचपर एक संग, बिहारक लेल देलनि ई सभ

औरंगाबाद
*

औरंगाबादमे प्रधानमंत्री नरेन्द्र मोदीक स्वागत कयल गेल। प्रधानमंत्री नरेन्द्र मोदी बिहारक मुख्यमंत्री नीतीश कुमारक संग राज्यमे २१,४०० करोड़ टाकासँ बेसीक कतेको विकास परियोजनाक उद्घाटन आ शिलान्यास कयलनि।
नीतीश कुमार जनसभामे कहलनि जे पहिने हम गायब भऽ गेल छलहुं, आब हम अहाँक संग रहब, हम कतहु नहिं जाएब। प्रधानमंत्री मोदी-नीतीश १८ मासक बाद मंच पर एक संग उपस्थित भेलाह।

मुख्यमंत्री नीतीश कुमार कहलनि जे आइ प्रधानमंत्री नरेन्द्र मोदी हमरा सभक बीच उपस्थित छथि। आइ ओ विकास योजनाक शिलान्यास आ उद्घाटन करताह। नीतीश कुमार कहलनि जे आइ ई बहुत खुशी अछि जे पीएम मोदीक स्वागत लेल लाखों लोक एतय उपस्थित छथि। हम अहाँक तरफसँ पीएम मोदीकेँ स्वागत करैत छी। आइ प्रधानमंत्री मोदी रेलवे, सड़क निर्माण आ नमामि गंगे योजनाक आधारशिला राखय जा रहल छथि। मुख्यमंत्री नीतीश कुमार किछु परियोजनाक नाम लैत कहलनि जे एहिसँ बिहारक जनताकेँ लाभ होयत। ई परियोजना बिहारक विकासक लेल बहुत उपयोगी अछि। एकरा लेल हम प्रधानमंत्री नरेन्द्र मोदीकेँ हृदयसँ धन्यवाद दैत छी। हुनका लोकनि द्वारा बहुत रास योजना बहुत तेजीसँ चलायल जा रहल अछि। हम अहांकेँ बधाई दैत छी जे अहां फेर आबि गेलहुं। हम बीचमे गायब भए गेल छलहुं। मुदा हम अहांकेँ आश्वस्त करैत छी जे आब हम अहांक संग रहब। हम कतहु नहिं जाएब। हम सब २००५ सँ बिहारमे एक संग काज कए रहल छी। २००५ सँ पहिने कोनो काज नहिं भेल छल। पहिने की स्थिति छल, जनता सब किछु जनैत अछि। आशा अछि जे पीएम मोदी बिहार अबैत रहताह। एहि चुनावमे अहां ४०० सीट जीतब। हमरा ओकर विश्वास अछि। मुख्यमंत्री नीतीश कुमार जनतासँ कहलखिन जे अहां सभ बुलंद रहब। एक संग रहू। केकरो द्वारा गुमराह नहिं होउ।

प्रधानमंत्री नरेन्द्र मोदी कहलखिन जे अहां सबके एतेक पैघ संख्यामे एतय अयलौंह। हम अहां सबकेँ स्वागत करैत छी। प्रधानमंत्री मोदी मगही भाषामे मगधक जनताकेँ प्रणाम कयलनि।

ओ कहलनि जे औरंगाबाद बिहार विभूति अनुग्रह नारायण सिंहक जन्मस्थान अछि। २१,५०० करोड़ टाकाक विकास योजनाक उद्घाटन कयल गेल अछि आ आधारशिला राखल गेल अछि। एहिमे आधुनिक बिहारक झलक अछि। प्रधानमंत्री मोदी कतेको विकास योजनाक जानकारी देलनि। ओ कहलखिन जे इ एनडीए केर पहचान अछि। हम सभ काज शुरू करैत छी, एकरा पूरा सेहो करैत छथि आ जनताकेँ समर्पित सेहो करैत छथि। इ मोदीक गारंटी अछि।

प्रधानमंत्री नरेन्द्र मोदी कहलनि कि रामललाकेँ एखने प्राण-प्रतिष्ठा अयोध्यामे कएल गेल अछि। स्वाभाविक अछि जे बिहारक लोक सबसँ बेसी खुश रहल हेताह। बिहारमे डबल इंजन सरकार आब विकासमे गति पकड़ि लेने अछि। आब बिहार केर लूटबाक सपना देखनिहारकेँ चेहरा पर हवाई उड़ि रहल अछि। परिवारवादक राजनीति हाशिया पर जा रहल अछि। हम संसदमे कहलहुं जे सब भागि रहल अछि। आब किछु लोक लोकसभा चुनाव लड़बा लेल तैयार नहिं छथि। ओ राज्यसभाक सीट खोजि रहल छथि। ई अछि अहांक साथ आ अहाँक विश्वासक ताकत। मोदी एहि विश्वासक लेल बिहारक जनताकेँ धन्यवाद देबय लेल आयल अछि।