राष्ट्रीय स्वयंसेवक संघ (आरएसएस) प्रमुख मोहन भागवत कहलनि अछि जे आइ पूरा दुनिया ठोकर खा रहल अछि, लड़खड़ाइत अछि आ भारत दिस एहि आशाक संग देखि रहल अछि जे आब दुनियाकेँ भारतसँ रास्ता भेटत।
दिल्लीमे भगवान महावीर स्वामीक २२५०म निर्वाण वर्ष समारोहमे एकटा सभाकेँ सम्बोधित करैत भागवत कहलनि जे भारतमे विविधतामे एकता कहल जाइत अछि। वास्तवमे, एतय एकतेक विविधता हमरा सभक ध्यानमे अबैत अछि जे हम सभ एक छी।
ओ कहलनि जे जँ हम सभ एकजुट रहब तऽ हम प्रतापी, शक्तिसंपन्न, शक्तिशाली आ प्रभावशाली बनि जाएब, मुदा एकर मतलब ई नहिं अछि जे हमरासभकेँ दुनियापर विजय प्राप्त करय केर अछि, अपितु हमरासभकेँ सम्पूर्ण दुनियाकेँ जोड़य केर अछि।
ओ कहलनि “जँ हम (भारत) प्रभावशाली बनि जायब तखन हम एकर उपयोग दुनियाकेँ जोड़बाक लेल करब कियैक तँ हमरासभक जीवनक ई उच्च दर्शन अछि आ ई हमर कर्तव्य अछि जे ई मार्ग पूरा दुनियाकेँ देखाबी आ एकर समय फेरसँ आबि गेल अछि।
भागवत आगू कहलनि जे दू हजार सालमे कतेको प्रयोग कयलाक बाद दुनिया आइ ठोकर खा रहल अछि, लड़खड़ा रहल अछि आ आशाक संग भारत दिस देखि रहल अछि। दुनियाकेँ लगैत अछि जे एकर समाधान भारतसँ भेटत आ दुनिया एहन सोचैत अछि किएक तँ दुनिया जनैत अछि जे एहन दर्शन, तत्व आ प्रथाक आधार पर बहुत पहिने भारत पूरा दुनियाकेँ शान्ति आ समृद्धिक पथ पर रखने छल।
अयोध्यामे रामललाक प्राण प्रतिष्ठा अनुष्ठानक उल्लेख करैत ओ कहलनि जे अयोध्याक विषयमे कहल जाइत अछि जे ओतय कोनो कलह नहिं अछि आ जखन कैकेयीक मनमे कलह आयल तखन भगवान राम १४ वर्ष धरि वनवासमे गेलाह आ सम्पूर्ण विश्वक कलह समाप्त कऽ घुरि अयलाह।
ओ कहलनि जे एक बेर फेर भगवान राम अयोध्या घुरि आयल छथि। आरएसएस प्रमुख इहो कहलनि जे भारतमे सभ एक छथि, आरएसएस प्रमुख इहो कहलनि जे हम कोनहु समाजक होइ, हम सभ एक छी आ सबसँ पैघ ताकत इएह अछि जे हम सभ एक छी।
