राष्ट्रीय सेवा योजनाक सी. एम. साइंस कॉलेज इकाई द्वारा मतदाता जागरूकता अभियान केर तहत शुक्रदिन महाविद्यालय परिसरमे एकटा नुक्कड़ नाटक केर प्रदर्शन कयल गेल। ई नाटक आम मतदातामे मतदानक प्रति जागरूकता पसारबा आ शत प्रतिशत मतदान सुनिश्चित करबा लेल प्रेरित करय बला छल। एहि नाटकक मूल कथ्य ‘हम मतदान अवश्य करी आ उपयुक्त उम्मीदवारक चयन करी’ छल। जकरा महाविद्यालयक राष्ट्रीय सेवा योजनाक स्वयंसेवक छात्र-छात्रा लोकनि अपन भावपूर्ण अभिनयसँ उत्कृष्टताक संग प्रस्तुत कयलनि।
नाटकमे शिल्पी साक्षी, सुनिधि गुप्ता, प्रज्ञा कुमारी, मो. आशु, केशव, कुमारी वैष्णवी, अस्मिता, इकरा, पंकज कुमार आ आफिया मुख्य भूमिका निमाहलनि। एहि अवसर पर महाविद्यालयक शिक्षिका डा निधि झा, डा सुषमा रानी, डा रश्मि रेखा, शिक्षक डा अंशु सिन्हा, डा पांशु प्रतीक सहित स्थानीय महाविद्यालयक डा राजकिशोर झा उपस्थित भऽ स्वयंसेवक छात्र-छात्राक मनोबल बढ़ोलनि। कार्यक्रमक आयोजन राष्ट्रीय सेवा योजनाक कार्यक्रम पदाधिकारी डा सत्येंद्र कुमार झाक नेतृत्वमे कयल गेल।
