प्रो शीतलांबर झा, महासचिव मैथिल समाज रहिका प्रेस विज्ञप्ति जारी कय २१, २२ आ २३ मार्चकेँ मनयबाक देलनि जानकारी
*
मधुबनी समदिया
*
प्रो शीतलांबर झा, महासचिव मैथिल समाज, रहिका प्रेस विज्ञप्ति जारी कय जानकारी देलनि कि बृहस्पति सांझमे मैथिल समाज रहिकाक अति आवश्यक बैसार मध्य विद्यालय रहिकामे संस्थाक उपाध्यक्ष सह ककरौल दक्षिणी पंचायतक मुखिया मो सनाउल्लाह रहमानीक अध्यक्षतामे भेल।
बैसारमे सर्व सम्मतिसँ निर्णय लेल गेल कि प्रति वर्षक भांति एहू वर्ष त्रिदिवसीय मिथिला विभूति स्मृति पर्व समारोह आयोजित कयल जायत, संगहि संग समितिक कार्यकारिणीमे पूर्व कमिटीक सदस्य एहू बेर यथावत रहताह से निर्णय भेल, जे निम्नवत छथि :-
अध्यक्ष सुमन कुमार महासेठ पूर्व विधान परिषद सदस्य, उपाध्यक्ष मो सनसुल्लाह रहमानी , जटाधार पासवान , महासचिव प्रो शीतलांबर झा, सह सचिव भवेश कुमार झा, कोषाध्यक्ष मधु राय सहित इकतालीस सदस्यीय कार्समितिक गठन कयल गेल।
संस्थाक महासचिव पूर्व वर्षक आय-व्यय प्रस्तुत कयलनि, जकरा सदस्यगण सर्वसम्मतिसँ अनुमोदन कयलनि ।
प्रो झा कहलनि कि मैथिल समाज रहिका एहि बेर एकावनम पर्व समारोह आयोजित करत जे दिनांक २१, २२ एवम २३ मार्चकेँ हर्सोल्लासक संग मनाओल जायत। विस्तारित कार्यक्रमक आगुक बैसारमे निर्णय लेल जायत।
बैसारमे संस्थाक उप संरक्षक डॉक्टर हेमचंद्र झा, चंद्रकिशोर मंडल, मो साबिर, उदय कांत झा , भवेष कुमार झा, मधु राय, अनील कुमार झा, कृपा कांत झा ,विनय कुमार मिश्र, बिनोदा नंद झा, शंकरदत्त मिश्र, कुमार गौरव ,राकेश कुमार झा, राजेंद्र यादव, सुनील कुमार मिश्र, बबलू झा, ललन मंडल, अवधेश कुमार झा, मदन यादव, भवनाथ पाठक, श्रवण कुमार साह, अवकाश झा, विजय कुमार मिश्र, राजू झा, राजू पासवान, रंजन झा, कामेश्वर कामत, विद्यानंद ठाकुर आदि दर्जनो सदस्य सहभागी भेलैथ।
