मैथिल समन्वय समिति, प्रत्येक वर्षक भाँति एहु वर्ष आगामी ११ अगस्त, २०२४ यथा रविदिन आठम् “धीरज प्रतिभा सम्मान” आयोजित करय जा रहल अछि। ई जानकारी मैथिली समन्वय समिति’क मिडिया प्रभारी राज कुमार झा मैपुप्रकेँ देलनि। झा एहि मैथिली अखबारक माध्यमसँ समस्त प्रवासी मिथिलावासीसँ साग्रह निवेदन एवं आह्वान कयलनि जे ११ अगस्तकेँ सबन्धु-बान्धव उपस्थित भऽ छात्र/छात्राके प्रोत्साहित करी।
जनतब जे एहि बेरक सम्मान समारोहक मुख्य अतिथि राज्यसभा सांसद संजय कुमार झा छथि। स्वागताध्यक्ष प्रसिद्ध शिक्षाविद् संरक्षक डाॅ. संदीप झा छथि।
हर बेरक भांति एहू बेर दसवीं बोर्डमे कमसँ कम ८० प्रतिशत एवं बारहवीं बोर्डमे कमसँ कम ७० प्रतिशत अंक प्राप्त विद्यार्थीकेँ ‘धीरज प्रतिभा सम्मान’सँ सम्मानित कयल जायत।
समारोहमे सांस्कृतिक कार्यक्रमक आयोजन सेहो सुनिश्चित अछि। मिथिलाक भजन सम्राट अरविन्द कुमार सिंह आ चर्चित गायिका सुश्री वर्षा सांस्कृतिक कार्यक्रमक आकर्षण बनथिन।
समितिक अध्यक्ष कमल रामविनोद झा, सचिव ललित झा एवं कोषाध्यक्ष जयमाधव झा आयोजनक लेल प्रतिबद्ध छथि।
कार्यक्रम अपराह्न ०३ बजेसँ, डाॅ. काशीनाथ घाणेकर नाट्यगृह, हीरानंदानी मीडोज – २, घोड़बंदर रोड, मानपाड़ा, ठाणे (प.), मुंबई, महाराष्ट्र – ४००६०७ मे आयोजित होएत।
