नागरिक उड्डयन मंत्री ज्योतिरादित्य सिंधिया कहलनि जे जतय रामक नाम अछि, ओतय काज पूरा होइत अछि। आइ एकटा आओर महत्वपूर्ण दिन अछि। पीएम मोदी आ सीएम योगीक नेतृत्वमे उत्तर प्रदेश विकास आ प्रगतिक मामिलामे नव ऊँचाइ छू रहल अछि। हमसभ मात्र १७ दिनमे अयोध्याकेँ देशक चारू कोनसँ जोड़ि देलौंह।
सिंधिया बुधदिन कोलकातासँ अयोध्या लेल एयर इंडिया एक्सप्रेस उड़ानक वर्चुअल माध्यमसँ शुभारंभक अवसर पर बाजि रहल छलाह।
ओ कहलनि “एक दिवाली हम पछिला साल मनौने छलहुँ, दोसर दिवाली हालहिमे तीन राज्यक चुनाव परिणामक दौरान मनाओल गेल छल आ आब तेसर दिवाली २२ जनवरीकेँ मनाओल जा रहल अछि। पूरा दुनियाकेँ ८०० करोड़ जनतामे सब राम भक्तक 22 जनवरी २०२४ हुनकर जीवनक सबसँ यादगार दिन होएत। ई ५०० सालक सपना छल। हमरासभक कतेको पीढ़ीक सपना छल जे अयोध्याक राजा भगवान श्रीराम अपन महलमे बैसथि। आब ओ सपना पूरा होबय जा रहल अछि।
ओ कहलनि जे भविष्यमे अयोध्या सम्पूर्ण भारतक सबसँ महत्वपूर्ण विमान दल बनि जायत।
ओ कहलनि “अयोध्याकेँ दिल्ली आ अहमदाबादसँ जोड़लाक बाद आइ बेंगलुरु आ कोलकातासँ जोड़ल जा रहल अछि। ३० दिसंबरकेँ एकर उद्घाटनक बाद १७ जनवरी तक हम मात्र १७ दिनमे अयोध्याकेँ देशक चारु कोनासँ जोड़ि देलहुं। ई कोनो चमत्कारसँ कम नहिं अछि। देशक प्रत्येक भक्त अपन पुष्पक विमानसँ श्रद्धा व्यक्त करबाक लेल तेज गतिसँ अयोध्या आबि सकैत छथि।
नागरिक उड्डयन राज्य मंत्री जनरल वीके सिंह एयर इंडियाकेँ बधाई दैत कहलनि जे ओ अयोध्या धामक कनेक्टिविटीकेँ नीक बनौलनि अछि।
ओ कहलनि जे ई पहल आओर जारी रहबाक चाही जाहिसँ उत्तर प्रदेशक हवाई सेवा बढ़ैत रहय। आओर एयरलाइंस अयोध्या धाममे शामिल होबय चाहैत अछि। जेना-जेना ओ सभ आगू आबि रहल छथि, हुनका सुविधा प्रदान कयल जायत।
