लोक जनशक्ति पार्टी (रामविलास) केर अध्यक्ष चिराग पासवान हाजीपुर लोकसभा सीटक बारेमे किछु संकेत देलनि अछि। कहल जा रहल अछि जे ओ एहि सीटसँ अपन मायसँ चुनाव लड़बाक तैयारी कऽ रहल छथि। मुदा, ओ एखन धरि स्पष्ट रूपसँ किछु नहिं कहने छथि।
लोक जनशक्ति पार्टी (रामविलास) क अध्यक्ष चिराग पासवान मंगल दिन संकेत देलनि जे हुनकर माता रीना हाजीपुरसँ लोकसभा चुनाव लड़तीह। हाजीपुर लोकसभा सीट चिरागक स्वर्गीय पिता रामविलास पासवानक गढ़ अछि, जतयसँ हुनक चाचा पशुपति कुमार पारस वर्तमान सांसद छथि आ ओ सीट छोड़य लेल तैयार नहिं छथि।
चिराग हाजीपुरमे एकटा विशाल रैलीकेँ सम्बोधित कयलनि, जतय भीड़क सोझाँ हुनक माय रीनाकेँ ‘माताजी’क रूपमे परिचय देल गेल आ सम्मानित कयल गेल। ओ चाहैत छथि जे रीना २०२४ मे एहि सीटसँ चुनाव लड़थि।
जमुई सांसद मीडियाक संग बातचीतक दौरान कहलनि जे हुनका आशा अछि जे हाजीपुरक लोक एहि बेर एकटा नव कीर्तिमान बनाओत, जखन ओ जनशक्ति पार्टी (राम विलास) केर वोट देताह। ओना, ओ रैलीक दौरान अपन मायकेँ मैदान मे उतारबाक अपन इरादा पर स्पष्ट रूपसँ बजबासँ परहेज कयलनि।
हाजीपुरमे रैलीक दौरान चिराग कहलनि, “एहि जमीनकेँ हमर पिता हमर मायक दर्जा देलनि। जँ हम जीवित छी तखन ई अहाँक आशीर्वादक कारण अछि। ओ हमरा खत्म करएकेँ कोशिश केलक। परिवार टूटि गेल, तखन पार्टी टूटि गेल। मुदा अहांक आशीर्वादक कारण चिराग समाप्त नहि भेल।’
चिराग कहलनि, “हमर पिता रामविलास पासवानक पहचान हाजीपुरसँ भेल अछि। हमरा विश्वास अछि जे अहाँक सहयोगसँ रिकॉर्ड टूटि जायत।’
