प्रधानमंत्री नरेन्द्र मोदी केरलक कोच्चिमे भाजपाक शक्ति केन्द्र प्रभारी सम्मेलनमे भाग लेलनि। एहि अवसर पर पीएम मोदी कहलनि जे २२ जनवरीकेँ देशमे श्रीराम ज्योति प्रज्वलित होएत। हम प्राण-प्रतिष्ठाक संबंधमे यम-नियमक सेहो पालन कए रहल छी। भाजपा कार्यकर्ता सभकेँ सम्बोधित करैत पीएम मोदी कहलनि जे लोकसभा चुनाव देशक सरकार चुनबाक लेल अछि, अहाँकेँ (कार्यकर्तासभ) ई बात प्रत्येक मतदाता धरि पहुँचाबय पड़त। भारत सरकारक एकटा प्रमुख दायित्व देशक सुरक्षा अछि। हमरा मतदाताकेँ बताबय केर चाही जे १० साल पहिने जखन देशमे कमजोर सरकार छल, तखन हर बेर आतंकी हमला होइत छल। एकर प्रभाव देश पर पड़ल। आइ दुनिया भारतकेँ विश्व मित्रक रूपमे देखि रहल अछि। खाड़ी देशमे भारतीयक सम्मान बढ़ल अछि आ हुनका सुरक्षाक आश्वासन सेहो भेटल अछि।
प्रधानमंत्री नरेन्द्र मोदी कहलनि जे केरलमे भाजपाकेँ मजबूत करयवला सभ कार्यकर्ताक सोझाँ आयब हमरा लेल प्रसन्नता अछि। आइ हम कार्यकर्ताक पीढ़ीकेँ नमन करैत छी जे राजनीतिक हिंसाक बीच सेहो अपन विचारधारा आ देशभक्तिक प्रति समर्पित रहैत छथि। पीएम मोदी कहलखिन कि आयुष्मान भारत योजनाक तहत ५ लाख भेटयसँ मुफ्त इलाज करा देशक जनताकेँ एक लाख करोड़ रुपयाक बचत भेल अछि, जन औषधि केंद्रसँ ८०% छूट पर दवाई लय कऽ देशवासी २५ हजार करोड़ रुपयासँ बेसी केर बचत केलक अछि।
पीएम मोदी कार्यकर्तागणकेँ कहलनि कि हमर पहिल संकल्प हेबाक चाही ‘हम अपन बूथ जीतब’। जँ हम एकटा बूथ जीत सकैत छी तऽ केरलकेँ जीत सकैत छी। अहांकेँ बेसी मेहनत करय पड़त आ हर मतदाता पर ध्यान देबय पड़त। केरलक जनताक सङ्ग सम्बन्ध बनेनाइ अहाँक प्राथमिकता होयबाक चाही। अहाँकेँ सबकेँ ‘विकसित भारत संकल्प यात्रा’मे आनय पड़त आ हुनका ‘मोदी की गारंटी’ अभियानमे शामिल होयबामे सहायता करय पड़त। भारतीयक आत्मविश्वास बढ़ि रहल अछि किएक तँ दुनिया आब भारतकेँ ‘विश्वामित्र’ केर रुपमे कहैत अछि।
भाजपाक पारदर्शी नीतिक सकारात्मक परिणाम स्पष्ट देखाई दऽ रहल अछि। हालक रिपोर्टसँ ज्ञात होइत अछि जे मात्र ९ सालमे २५ करोड़सँ अधिक लोक गरीबीसँ बाहर आबि गेल अछि। जखनि कि कांग्रेस पाँच दशक तक मात्र गरीबी हटबय केर नारा देलक।
