भाजपा नेता आ बिहारक पूर्व उपमुख्यमंत्री सुशील कुमार मोदीकेँ कैंसरक पता चलल अछि। ओ स्वयं एहि बारेमे जानकारी देलनि अछि। ओ कहलनि जे हम पिछला ६ माससँ कैंसरसँ जूझि रहल छी। आब हम सोचलहुं जे इ सही समय अछि जे लोककेँ बता दी। हम लोकसभा चुनावमे किछु नहिं कए पायब। हम प्रधानमंत्रीकेँ सब किछु बता देने छी। हम देश, बिहार आ पार्टीक प्रति सदैव आभारी आ समर्पित रहब।
सुशील मोदी बहुत दिन धरि (२००५-२०१३ आ २०१७-२०) बिहारक उपमुख्यमंत्री रहल छथि। बिहारक राजनीतिमे हुनक अलग पहिचान अछि। नितीशक संग हुनक जोड़ी बहुत खास मानल गेल अछि। एहि बीमारीक कारण ओ किछु समय लेल राजनीतिसँ दूर रहलाह। ओ एहि बीमारीकेँ बहुत दिन धरि नुकयने रखलनि। आब ओ कहलनि जे हुनका कैंसर अछि।
सुशील मोदी एकटा भावुक पोस्ट लिखलनि जे हम पिछला ६ माससँ कैंसरसँ जूझि रहल छी। आब हम सोचलहुं जे इ सही समय अछि जे लोककेँ बताबी। हम लोकसभा चुनावमे किछु नहि कए पायब। हम पीएम मोदीकेँ सब किछु बता देने छी। देश, बिहार आ पार्टीक प्रति सदैव आभारी आ सदैव समर्पित।
जाहिर अछि जे आगामी लोकसभा चुनावकेँ देखैत बिहार भाजपाक लेल ई एकटा पैघ झटका अछि। पार्टीमे हुनकर सक्रियता बहुत विशेष रहल अछि। सुशील कुमार मोदी बिहारक उपमुख्यमंत्रीक अतिरिक्त राज्यसभा सांसद सेहो रहि चुकल छथि। अपन तीन दशकक सार्वजनिक जीवनमे ओ राज्यसभा, लोकसभा, विधान परिषद आ विधानसभा सहित चारु सदनक सदस्य रहल छथि।
