घमंडिया गठबंधनक उद्देश्य परिवारक लोककेँ पीएम आ सीएम बनायब : अमित शाह

मुजफ्फरनगर
*

केंद्रीय गृह मंत्री अमित शाह विपक्षी दल पर निशाना साधलनि अछि। ओ कहलनि जे घंमडिया गठबंधनक उद्देश्य परिवारक सदस्यकेँ प्रधानमंत्री आ मुख्यमंत्री बनायब अछि। गृहमंत्री अमित शाह बुधदिन मुजफ्फरनगरक शाहपुरक नेशनल इंटर कॉलेजमे एकटा जनसभाकेँ सम्बोधित कऽ रहल छलाह।

एहि दौरान ओ कहलनि जे घंमडिया गठबंधनक उद्देश्य परिवारक सदस्यकेँ प्रधानमंत्री आ मुख्यमंत्री बनायब अछि। जखनि कि, मोदीजीक उद्देश्य देशक किसान, गरीब, मजदूर, दलित आ आदिवासीकेँ मजबूत बना कए अपन पैर पर ठाढ़ करब अछि। एहि चुनावमे जे घंमडिया गठबंधन इकट्ठा भेल अछि, ओहिमे १२ लाख करोड़ टाकाक घपला-घोटाला आ भ्रष्टाचार करयवाला लोक एकत्र भेल अछि।
ओ कहलनि, हम अहांकेँ बताबय चाहैत छी जे मोदीजी चौधरी चरण सिंहजीक गौरव समारोहमे आयल छलाह। ओही दिन घंमडिया गठबंधन एकटा भ्रष्ट रैलीक आयोजन कयलक आ ओहि रैलीमे भ्रष्टकेँ सुरक्षा देबय केर बात कहलक। जखन हम २०१४ मे एतय आयल छलहुँ तखन कैराना, मुजफ्फरनगर आ सहारनपुरसँ पलायन शुरू भऽ गेल छल।
अहाँ सभ २०१७ मे भाजपा सरकार बनौलहुं आ योगी सरकार एतय गुंडाक आतंककेँ रोकि देलक आ एतय पलायन रोकलक आ जनताकेँ सुरक्षित कयलक।

ओ कहलनि जे घंमडिया गठबंधन, जाहिमे अखिलेश यादवक पार्टी आ कांग्रेस पार्टी अछि, ओ कहियो नहिं चाहैत छल जे अयोध्यामे राम मन्दिर बनय। कांग्रेस राम जन्मभूमिक मुद्दाकेँ ७० साल धरि अटकाकय, लटकाकय आ भटकाकय रखलक। मोदी जी केस सेहो जीतलाह, भूमि पूजनो कयलनि आ २२ जनवरीकेँ रामललाक प्राण-प्रतिष्ठा सेहो कयलनि।

गृहमंत्री कहलनि जे नरेन्द्र मोदी कश्मीरसँ आतंकवादकेँ समाप्त करबाक काज कयने छथि। मोदी जी सर्जिकल स्ट्राइक आ एयर स्ट्राइकसँ पाकिस्तानक घरमे घुसि कए आतंकवादीक सफाया करबाक काज कयने छथि।

ओ कहलनि जे बसपाक शासनकालमे १९ चीनी मिल बंद छल, अखिलेश यादवक शासनमे १० चीनी मिल बंद छल। लेकिन, भाजपाक शासनकालमे २० सँ बेसी चीनी मिल शुरू भेल आ हमर सरकार ५ टा नव चीनी मिल बनेबाक काज सेहो कयलक अछि। अहांकेँ याद अछि, जखन कांग्रेस सरकार सत्तामे छल, तखन गन्नाक एफआरपी २१० रुपया प्रति क्विंटल छल। आइ एकरा बढ़ा कय ३४० टका प्रति क्विंटल करए केर काज मोदीजी कयलनि। भुगतानक जतय तक सवाल अछि, आइ भाजपा सरकार २ लाख ५० हजार करोड़ टकाक गन्नाक भुगतानक काज कयलक अछि।

ओ कहलनि चुनाव मोदीजीकेँ तेसर बेर प्रधानमंत्री बनाबय लेल अछि। मोदी जी गरीब आ किसानक उत्थानक लेल बहुत काज कयलनि। मोदी जी गुड़ आ कुसियारक एहि क्षेत्रमे कुसियार लेल राष्ट्रीय नीति बना कए बहुत बदलाव कयलनि अछि।