बिहारक मुख्यमंत्री, उपमुख्यमंत्री सहित अन्य मंत्री अपन-अपन संपत्तिक सूची जरी कयलनि

बस एतबहि नगद आ संपत्ति अछि मुख्यमंत्री नीतीश कुमार आ उपमुख्यमंत्री तेजस्वी यादव लग

*

पटना

*

वर्ष २०२३ केर अंतिम दिन यानी रवि कऽ बिहार सरकारक कैबिनेट मंत्री अपन संपत्तिक विवरण जारी कयलनि। बिहारक मुख्यमंत्री नीतीश कुमार सेहो अपन सम्पत्तिक खुलासा कयलनि अछि। मुख्यमंत्री सहित बिहारक सभ कैबिनेट मंत्रीक सम्पत्तिक विवरण वेबसाइट पर अपलोड कऽ सार्वजनिक कयल गेल अछि। बिहार सरकारक वेबसाइट पर अपलोड कयल गेल सम्पत्तिक नवीनतम विवरणक अनुसार, मुख्यमंत्री नीतीश कुमार लग कुल १.६४ करोड़ टाकाक चल आ अचल संपत्ति अछि। नीतीश कुमारकेँ हाथ मे २२,५५२ रुपया नकद आ विभिन्न बैंक खातामे ४९,२०२ रुपया अछि।

नीतीश कुमार लग १३टा गाय आ १०टा बछड़ा अछि।

हुनका लग ११.३२ लाख रुपैयाक फोर्ड इकोस्पोर्ट, दूटा सोनाक अंगूठी आ १.२८ लाख रुपैयाक एकटा चानीक अंगूठी सेहो अछि। अन्य चल सम्पत्तिमे १३टा गाय आ १० टा बछड़ा १.४५ लाख रुपैयाक, एकटा ट्रेडमिल, एकटा व्यायाम साइकिल आ एकटा माइक्रोवेव चूल्हा सम्मिलित अछि। हुनक एकमात्र अचल सम्पत्ति द्वारका, नई दिल्लीमे एकटा अपार्टमेन्ट अछि, जकर मूल्य २००४ मे १३.७८ लाख रुपैया छल, आ आब एकर मूल्य १.४८ करोड़ रुपैया अछि।

पछिला साल नीतीश कुमारक कुल संपत्ति ७५.५३ लाख रुपया छल, जे एहि साल बढ़ि कए १.६४ करोड़ रुपया भऽ गेल अछि। नीतीश कुमारक सम्पत्तिक मूल्यमे वृद्धि मुख्य रूपसँ हुनकर दिल्ली अपार्टमेंटक मूल्यमे वृद्धिक कारण अछि। बिहारक नीतीश कुमार सरकार सभ कैबिनेट मंत्रीक लेल हर सालक अंतिम दिन अपन संपत्ति आ देनदारीक खुलासा करब अनिवार्य कऽ देलक अछि।

बिहारक उप मुख्यमंत्री तेजस्वी प्रसाद यादव वित्तीय वर्ष २०२२-२३ लेल कुल आय ४.७४ लाख रुपया घोषित कयने छलाह आ हुनका हाथ मे ५०,००० रुपया नकद अछि, जखन कि हुनक पत्नी राजश्री लग १ लाख रुपया नकद अछि। जखनि कि बिहार सरकारमे मंत्री हुनकर बड़का भाय तेज प्रताप लग ३•५८ करोड़ टकाक संपत्ति अछि।