समिता मिश्र मेमोरियल फाउंडेशन फॉर कैंसर रिसर्च, नई दिल्ली केर तत्वावधानमे रवि दिन आयोजित विश्व कैंसर दिवसक अवसर पर अतिथि पुस्तकालय भवन महिषीमे दीप जरा कय जागरूकता शिविरक उद्घाटन कयल गेल। विश्व कैंसर दिवस पर सामाजिक जागरूकताक लेल जागरूकता शिविर केर संबोधित करैत उद्घाटन ग्राम न्यायालय प्रमुख श्रीमती दुर्गा देवी, पूर्व लोकसभा प्रत्याशी खगरिया संदीप कुमार साकेत, भाजपाक पूर्व जिला उपाध्यक्ष सत्यनारायण साह, संस्कृत महाविद्यालयक व्याख्याता महिषी आनंद दत्त झा एवं पूर्व जिला पार्षद गणेश मुखिया निषाद समवेत स्वरमे कहलनि जे, आइ विश्व कैंसर दिवसक अवसर पर युवा लोकनिकेँ संकल्प लेबाक आवश्यकता अछि, किएक कि युवा सबमे नशाक दुरुपयोग तेजीसँ पसरल जा रहल अछि, हुनका सबकेँ एकरा छोड़य लेल प्रेरित कयल जाय, संकल्पित कयल जाय। संगहि तमाकू आ तमाकूसँ जुड़ल अन्य सब उत्पादक सेवन छोड़य पर सेहो जोर देल गेल। शिविरकेँ संबोधित करैत संस्थाक प्रतिनिधि विजय महापात्र कहलनि संस्थागत शोध केर दौरान पता चलल कि तंबाकूक सेवन करै वालाकेँ कैंसरक शिकार होय केर सबसँ अधिक संभावना रहैत छै। एकरासँ छुटकारा पाबी कय सामाजक संतानकेँ बचाओल जा सकैत अछि ।ओ कहला कि कैंसर आब घातक बीमारी नै छै, जँ एकर पहिल चरणमे पता चलल तऽ एकर इलाज संभव छै ।समय पर इलाज कय कऽ लोकक जान बचि सकैत अछि।संंग-संग नीक दैनिक दिनचर्या आर खानपानक आदतमे सुधार आवश्यक छै। एहि लेल व्यापक जनजागरण बहुत जरुरी अछि।तहने कैंसरसँ बचाव संभव भऽ सकैत अछि। एहि अवसर पर मुकेश चौधरी, सनी सरकार, अभिनंदन चौधरी, गुलशन झा, रूपेश झा, विष्णु झा, अक्षय मिश्रा उपस्थित छलाह।
