राजस्थान, मध्य प्रदेश आ छत्तीसगढ़क लेल भाजपा द्वारा केंद्रीय पर्यवेक्षकक नियुक्ति

नई दिल्ली
*
भाजपा मुख्यमंत्रीक चुनाव लेल राजस्थान, मध्य प्रदेश आ छत्तीसगढ़मे होबयवला विधायक दलक बैसारक लेल केन्द्रीय पर्यवेक्षकक नियुक्ति कयलक अछि।
भारतीय जनता पार्टी (भाजपा) बृहस्पतिकेँ राजस्थान, मध्य प्रदेश आ छत्तीसगढ़मे अपन विधायक दलक नेताक चुनावक लेल केन्द्रीय पर्यवेक्षकक नामक घोषणा कयलक, जखन पार्टीकेँ अपन संसदीय बोर्डसँ स्वीकृति भेटल।
पार्टी केन्द्रीय रक्षा मंत्री राजनाथ सिंह, राज्यसभा सांसद सरोज पाण्डेय आ राष्ट्रीय महासचिव विनोद तावड़ेकेँ राजस्थानक लेल केन्द्रीय पर्यवेक्षक नियुक्त कयलक अछि।
मध्य प्रदेशक लेल भाजपा हरियाणाक मुख्यमंत्री मनोहर लाल खट्टर, ओबीसी मोर्चाक राष्ट्रीय अध्यक्ष डॉ. के लक्ष्मण आ राष्ट्रीय सचिव आशा लाकड़ाकेँ पर्यवेक्षकक रूपमे नियुक्त कयलक अछि।
केन्द्रीय जनजातीय मंत्री अर्जुन मुण्डा, केन्द्रीय बन्दरगाह, जहाजरानी, जलमार्ग एवं आयुष मंत्री सर्वानंद सोनोवाल आ राष्ट्रीय महासचिव दुष्यंत कुमार गौतमकेँ छत्तीसगढ़क लेल पार्टी केन्द्रीय पर्यवेक्षक बनौलक अछि।
एहेन भाँज लागल अछि जे एहि तीनू राज्यमे मुख्यमंत्रीक चयनक लेल विधायक दलक बैसार शनि कऽ भऽ सकैत अछि।