ईडी शराब घोटाला मामिलामे बृहस्पति राति दिल्लीक मुख्यमंत्री अरविन्द केजरीवालकेँ गिरफ्तार कयलक। सामाजिक कार्यकर्ता अन्ना हजारे सेहो केजरीवालक गिरफ्तारीपर प्रतिक्रिया देलनि अछि। ओ कहलनि जे केजरीवालक गिरफ्तारीक हुनका कोनो दुःख नहिं अछि।
अन्ना हजारे कहलनि “दिल्लीक मुख्यमंत्री बनलाक बाद अरविन्द केजरीवाल एकटा नव शराब नीति अनलनि, जाहि लेल हम हुनका दू बेर पत्र लिखलहुँ। हमरा दुःख अछि जे हमर बात पर विचार नहिं कयल गेल, आ आब हुनका गिरफ्तार कऽ लेल गेल अछि।’
अन्ना आगू कहलनि जे आन्दोलनक दौरान जखन अरविंद केजरीवाल आ मनीष सिसोदिया हमरासभक सङ्ग आयल छलाह तखन हम दुनू गोटेकेँ सेहो कहलहुँ जे हमरासभकेँ देशक बेहतरी लेल काज करय पड़त। लेकिन, दुनू गोटे हमर बात पर ध्यान नहिं देलनि। नहिंये केजरीवाल हमर बात मानलनि। एहन स्थितिमे हम हुनका कोनो सलाह नहिं देब आ केजरीवालक स्थिति पर हमरा कोनो दुःख नहिं अछि। अन्ना कहलनि जे कहियो हम दुनू शराब सन भ्रष्टाचारक खिलाफ ठाढ़ छलौंह आ आइ ओ स्वयं शराब नीति बना रहल छल। ओ कहलनि जे केजरीवाल कहियो हमर बात नहिं मानलक, एकर हमरा दुःख अछि।
अरविन्द केजरीवालक गिरफ्तारीकेँ लऽ कऽ आम आदमी पार्टी सड़कपर अछि। लेकिन, केजरीवालक पार्टीकेँ ओहि तरहक जनसमर्थन भेटि रहल अछि आ कि नहिं, ई देखब बाकी अछि।
