वांगचुककेँ इलाजक लेल उठेनाइ गलत नहि, अगिला सुनवाई बृहस्पतिकेँ : दिल्ली हाईकोर्ट

नई दिल्ली। समदिया

दिल्लीक सफदरजंग अस्पतालमे भर्ती सोनम वांगचुककेँ ल कय दिल्ली हाईकोर्टमे सुनवाई भेल। कोर्ट देखलक जे हुनक स्वास्थ्य बिगड़ैत आ डिवीजन बेंच द्वारा जारी आदेशक कारण हुनका सरकारी अस्पताल पहुंचा देल गेल छल।

सरकारक एहि कार्यवाहीकेँ मनमाना नहि कहल जा सकैत अछि। वांगचुककेँ खाली दवाई देल जाय रहल अछि, जाहि लेल ओ सहमति देलनि। कोर्ट केंद्र, दिल्ली सरकार आ पुलिसकेँ तीन दिनक भीतर अपन जवाब दाखिल करबाक निर्देश देलक।

जनतब अछि जे वांगचुकक पत्नी गीतांजली हुनका सफदरजंग अस्पतालसँ निजी अस्पतालमे शिफ्ट करबाक आग्रह कयने छलीह। एहि मामिलामे अगिला सुनवाई 24 जुलाईकेँ होए वला अछि।

दिल्ली पुलिस शनिदिन भोरमे वांगचुककेँ जंतर मंतरसँ निकालि सफदरजंग अस्पताल ल गेल छल। वांगचुक अस्पतालमे रहैत सेहो अनशन जारी रखने छथि।

वांगचुक आ भाजपा नीट पेपर लीक मुद्दा आ शिक्षा मंत्री धर्मेन्द्र प्रधानक इस्तीफाकेँ ल कय जवाबदेहीक मांग करैत 28 जूनसँ अनिश्चितकालीन अनशन पर छथि।

दिल्ली पुलिस आयुक्त अनुराग कुमारकेँ पदभार ग्रहणक 24 घंटाक भीतर वांगचुककेँ विरोध स्थलसँ हटा कय अस्पताल पहुंचा देल गेल। सूत्रक अनुसार शुक्रदिन भोर 1:30 बजे एही लेल निर्देश भेटल। एकर बाद नई दिल्लीक वरिष्ठ अधिकारी मंदिर मार्ग थानामे रणनीति बनेलथि।

ओ अभ रिहर्सल कयलनि जे कोना वांगचुककेँ बिना कोनो टकरावकेँ एक मिनटक भीतर एम्बुलेंस धरि पहुंचा देल जाय। एही कार्यवाहीक वीडियोकेँ प्रसारणसँ रोकय लेल जैमरक इस्तेमालक बारेमे सेहो चर्चा भेल। अधिकारी सभ भोर 5:00 बजे जंतर मंतर पहुंचलाह आ अंतिम ब्रिफिंग कयलनि। तखन, सादा कपड़ा पहिरने पुलिसकर्मी उज्जर चादर ल कय मंच पर चढ़ल, कार्यवाहीक वीडियोग्राफीसँ बचय लेल चादरक इस्तेमाल कयल गेल।