अधिकारीगण पंचायत सभमे पहुँचि सरकारक योजना सभक दऽ रहल छथि जानकारी
मधुबनी समदिया
*
जिला अधिकारी अरविन्द कुमार वर्माक सहित जिलाक साठि टा अधिकारी जिलाक विभिन्न सुदूर पंचायतमे पहुँचि सरकारक विभिन्न कल्याणकारी योजना, आंगनवाड़ी केन्द्र, धान खरीद केन्द्र, विद्यालय, सार्वजनिक वितरण प्रणालीक दोकान, पंचायतक सरकारी भवन आदिक निरीक्षण कयलनि आ ग्रामवासीकेँ एहि सभसँ अवगत करेलनि आ जानकारी लेलनि।जिला अधिकारी लौकही प्रखंड अंतर्गत वनगामा पंचायत स्थित उत्क्रमित मध्य विद्यालय, झिटकीक प्रांगणमे आयोजित विकासात्मक शिविरक निरीक्षण सेहो कयलनि। विद्यालयक निरीक्षणक बाद जिला अधिकारी जिला शिक्षा अधिकारी, मधुबनीक विद्यालयक पठन-पाठन आ मध्यान्ह योजनाक सम्बन्धमे आवश्यक निर्देश देलनि।
