बिहारमे एक संग 551 आदर्श विद्यालयक उद्घाटन, 4 लाख बच्चाकेँ भेटत लाभ
बेगूसराय। समदिया
मुख्यमंत्री सम्राट चौधरी रविदिन बेगूसराय स्थित आईओसीएल स्टेडियममे आयोजित कार्यक्रमक दौरान राज्यभरिमे 551 ‘सरस्वती विद्या निकेतन’ (मॉडल स्कूल) केर उद्घाटन कयलनि। ओ कहला जे एहि स्कूलमे लगभग 4 लाख छात्र पढ़ाई करत, जे बिहारक शिक्षा व्यवस्थाकेँ मजबूत करबाक दिशामे एकटा महत्वपूर्ण कदम अछि।
मुख्यमंत्री टिप्पणी कयलनि जे कोनो विकसित समाजमे शिक्षा सबसँ पैघ ताकत अछि। सरकारक उद्देश्य इ सुनिश्चित करनाय अछि की सरकारी स्कूल निजी स्कूलकें तुलनामे गुणवत्तापूर्ण शिक्षा प्रदान करय। एकरा प्राप्त करय लेल विशेष व्यवस्था, जाहिमे स्मार्ट कक्षा, डिजिटल स्टूडियो, आधुनिक प्रयोगशाला आ प्रतिस्पर्धी परीक्षा तैयारीकें सुविधा शामिल अछि, जे लागू कयल जा रहल अछि।
ओ हालमे ‘बिहार स्कूल लाइव क्लासेज’क शुरुआतक जिक्र केलथि। एकर अलावा 15 अगस्तसँ छात्रकेँ फिलो ऐपक माध्यमसँ लाइव आ इंटरएक्टिव क्लासक सुविधा भेटत। एहिसँ छात्र राज्यक बेहतरीन शिक्षकसँ ऑनलाइन सीख सकैत छथि, जाहिसँ उच्च शिक्षा वा प्रतिस्पर्धी परीक्षा तैयारी लेल अन्य राज्य पर निर्भर रहबाक जरूरत नहि रहत।
मुख्यमंत्री कहलनि कि सरकार शिक्षककेँ हितमे सेहो काज कय रहल अछि, शिक्षक स्थानांतरण प्रक्रिया पारदर्शी रूपसँ 29 जुलाईसँ शुरू भ जाएत। ओ एहि बात पर प्रकाश देलथि जे 15 जुलाईकेँ 211 डिग्री कॉलेज शुरू कयल गेल आ विक्रमशिला विश्वविद्यालय लेल जमीन उपलब्ध कराउल गेल अछि।
एहि दौरान मुख्यमंत्री बेगूसराय लेल कतेको पैघ घोषणा केलथि। हुनक बयान छल कि बेगूसरायमे राष्ट्रकवि रामधारी सिंह ‘दिनकर’ केर नाम पर एगो विश्वविद्यालयक स्थापना कयल जायत। संगहि 10 एकड़मे प्लाट पर भगवान वेंकटेश्वर (तिरुपति) मंदिरक निर्माण होएत। ओ गंडकक कातमे सिमरियासँ भागलपुर धरि पसरल ‘मरीन ड्राइव’क निर्माणक घोषणा सेहो केलथि, जाहिसँ पर्यटन आ क्षेत्रीय विकासकेँ बढ़ावा भेटबाक उम्मीद अछि।
मुख्यमंत्री कहलनि कि सरकार शिक्षा, स्वास्थ्य, बुनियादी ढाँचा, पर्यटन, संस्कृति आ रोजगार जँका क्षेत्रमे तेजीसँ काज कय रहल अछि। ओ जोर देलनि जे एक करोड़ लोककेँ रोजगार देबाक लक्ष्य दिस काज तेजीसँ आगू बढ़ि रहल अछि। ओ इहो बतौलनि जे 10,000 रुपया1.81 करोड़ महिलाक खातामे ट्रांसफर भ चुकल अछि आ जिनका एखन धरि राशि नहि भेटल अछि ओकर भुगतान 25 जुलाई धरि पूरा भ जायत। ओ कहलनि जे, एखन धरि 6 लाख आवेदन सहायता शिविरक माध्यमसँ आयल अछि, जाहिमे सँ 5.60 लाखक प्रक्रिया भ चुकल अछि। शिवहरमे बागमती-बूढ़ी गंडक रिवर लिंक योजनाक तहत बेलवा-मीनापुर लिंक चैनलक उद्घाटन सेहो कयल जेल अछि। कार्यक्रमक दौरान सरस्वती विद्या निकेतन पर आधारित एक लघु फिल्म देखाओल जेल अछि। मुख्यमंत्री विभिन्न सरकारी योजनाक लाभार्थीकेँ सांकेतिक चेक, प्रमाण-पत्र आ स्वीकृति पत्र सेहो वितरित कयलनि।
शिक्षा मंत्री कहलनि, एक दिनमे 551 ‘सरस्वती विद्या निकेतन’ स्कूलक उद्घाटन ऐतिहासिक उपलब्धि अछि।
शिक्षा मंत्री रविदिन बरौनीक आईओसीएल स्टेडियममे आयोजित 551 ‘सरस्वती विद्या निकेतन’ स्कूलक उद्घाटन समारोहकेँ संबोधित कय रहल छलाह। ओ कहलनि कि शौक्षणिक सुधार, शिक्षकक प्रशिक्षण, बुनियादी ढाँचाक विस्तार आ मिशन आधारित कार्यक्रमक कारण बच्चाकेँ पढ़ैमे, लेखन आ गणितीय समझमे सकारात्मक बदलाव देखल गेल अछि।
