बाईक चोरी कय भागि रहल चोरकेँ गौंवा सभ खिहाड़ि कय पकड़लक, गेल जहल

राजनगर समदिया
*

राजनगर थाना क्षेत्रक बेल्हबार गाममे बाइक चोरी कय भागि रहल चोरकेँ गौवा सभ खिहाड़ि कय पकड़लक। जानकारीक अनुसार बेल्हबार गामक सन्तोष झाकेँ दुआरि पर लागल बाइक केर एकटा बाइक पर आएल तीनटा चोरमे सँ एकटा चोर बाइक लऽ कऽ भागि रहल छल। तखने गौवां द्वारा देखि लेल गेल आ खिहाड़ि कय बाइक सहित चोरकेँ पकड़ि लेल गेल। ततपश्चात राजनगर थाना सूचना देल गेल। पुलिस द्वारा बाईक केर जब्त कय लेल गेल। पकडल गेल चोर पड़ोसक खजौली थाना क्षेत्रक दोस्तपुर निवासी इशाकक पुत्र मो लालबाबू बताओल गेल। जखन कि एकटा बाइक पर सबार दू अन्य चोर सेहो ओही गामक मुबारक तथा नाजिम बताओल गेल। एहि सम्बंधमे चोरी कऽ लऽ जा रहल जब्त बाइक केर स्वामी बेल्हबार निवासी सन्तोष झाकेँ पितियौत भाई धीरज झाक बयान पर एकटा प्राथमिकी दर्ज कय पकड़ाएल चोरकेँ न्यायालयक माध्यमसँ जहल पठा देल।