उच्च शिक्षाक बाद छोट-छोट काज करब संसाधनक दुरुपयोग अछि : डॉ. फारूक अली
*
सहरसा समदिया
*
इंदिरा गांधी राष्ट्रीय मुक्त विश्वविद्यालय (इग्नू) केर 37म दीक्षांत समारोह मंगलदिन स्थानीय सभागारमे संपन्न भेल।
जाहिमे इग्नू मुख्यालयक कार्यक्रमकेँ लाइव टेलीकास्ट ज्ञान दर्शनक माध्यमसँ देखल गेल। मुख्यालयक कार्यक्रमक मुख्य अतिथि उप-राष्ट्रपति जगदीप धनखड़ छलाह। जे दीक्षांत समारोहक संबोधन केर माध्यमसँ डिग्री प्राप्त करय वाला प्रतिभागीक जीवनमे सदिखन आगू बढ़य लेल प्रोत्साहित कयलनि। संगहि ई डिग्री विश्वविद्यालयक कुलपति प्रो.नागेश्वर राव आ मुख्य अतिथि कुलपति द्वारा पहिले स्वर्ण पदक विजेताकेँ देल गेल। कार्यक्रमक विशेष अतिथि जयप्रकाश विश्वविद्यालय छपराक पूर्व कुलपति डॉ. फारूक अली एवं इग्नू क्षेत्रीय केंद्रक निदेशक शैक्षणिक परिधानमे उपस्थित रहलाह। इग्नूक छात्र, सहायता संयोजक, शैक्षणिक परामर्शदाता, प्रधानाध्यापक एवं अन्य कर्मचारी, स्थानीय जनप्रतिनिधि एवं जिला प्रशासनक अधिकारी अतिथिक रूपमे उपस्थित छलाह। उक्त कार्यक्रममे 311 प्रतिभागी उपस्थित रहलाह। दीप प्रज्वलित कए क्षेत्रिय केंद्रक समारोहक शुरुआत भेल। एहि अवसर पर अतिथि लोकनिक स्वागत इग्नू क्षेत्रीय केन्द्रक व्यक्तिगत सहायक दिनेश कुमार राव द्वारा कयल गेल। क्षेत्रीय निदेशक डॉ. निहाल मिर्जा अहमद बेग सब सम्मानित अतिथि आ प्रतिभागीकेँ स्वागत कयलनि। ओ कहलनि जे, एहि दीक्षांत समारोहमे कुल 3085 84 छात्र डिग्री लेबाक पात्र छथि। जाहिमे क्षेत्रीय केंद्र सहरसा द्वारा संचालित 62 कार्यक्रममे 5993 प्रतिभागी डिग्री लेबाक पात्र छलाह। जाहिमे सँ लगभग 300 छात्रकेँ आइ डिग्री देल गेल।जाहिमे इग्नू 2011 मे क्षेत्रीय केंद्रक आठ जिलाक संग शुरू भेल छल आ लगातार प्रगतिक संग साल 2023 मे लगभग 28000 छात्रक नामांकन भऽ रहल अछि।जकर कारण इ प्रमुख क्षेत्रीय केंद्रमे देशमे 15म स्थान पर अछि। विशेष अतिथि पूर्व कुलपति प्रो.अली कहला जे उच्च शिक्षाक बाद छोट-छोट काज करब संसाधनक दुरुपयोग अछि। एकर मुख्य कारण इ अछि जे हमरा सबकेँ पूर्ण गुणवत्ता वाला शिक्षा नहिं भेटि रहल अछि। हमरा सभकेँ शिक्षाक गुणवत्तामे आओर सुधार करय केर जरूरत अछि जाहिसँ हम सभ नीक आओर नीक बनि सकब। संगहि सब शिक्षार्थीक जीवनमे आओर प्रगतिक कामना करैत अपन संबोधन पूरा कयलनि। कार्यक्रमक अंतमे इग्नू क्षेत्रीय केंद्रक सहायक कार्यकारी अधिकारी राजकुमार द्वारा धन्यवाद ज्ञापन आ राष्ट्रगानक संग समारोहक समापन भेल। एहि अवसर पर उपस्थित छात्र लोकनि प्रमाणपत्र प्राप्त कयलाक बाद खुशी व्यक्त कयलनि आ इग्नूक प्रति आभार व्यक्त कयलनि ।
