वांगचुक केंद्र सरकारक सामने रखलनि अनशन खत्म करबाक शर्त

नई दिल्ली। समदिया

पर्यावरणविद आ शिक्षाविद सोनम वांगचुक बुधदिन केंद्रीय मंत्री जे.पी.नड्डा आ डॉ. जितेन्द्र सिंहकेँ पत्र लिखलथि। पत्रमे वांगचुक कहलनि कि जँ सरकार एही ई बातक स्पष्ट आश्वासन दै जे एही आंदोलनमे शामिल कोनो भी युवा प्रदर्शनकारीक खिलाफ दंडात्मक वा प्रतिशोधात्मक कानूनी कार्यवाही नहि कयल जायत तँ ओ अपन अनिश्चितकालीन अनशन समाप्त कय देताह, नहि तँ ओकरा आगू बढ़ेबा लेल बाध्य भ जेताह।

वांगचुक अस्पतालमे हुनकासँ भेंट करय लेल आ अनशन समाप्त करय लेल दूनू केंद्रीय मंत्रीक आभार व्यक्त कयलनि। ओ कहलनि जे चर्चाक दौरान मंत्री सभ हुनका आश्वासन देलथि जे सरकार मांग पर सकारात्मक विचार करत। ओ परीक्षा प्रश्नपत्र लीक भेलाक बाद आत्महत्या कऽ मरि गेल छात्रक परिवारकेँ पर्याप्त मुआवजा देबाक आह्वान कयलनि।

सोनम वांगचुक केंद्र सरकारसँ ईहो आग्रह कयलनि कि संसदमे एही मुद्दा पर सार्थक चर्चा कयल जाय, जवाबदेही तय कयल जाय आ केंद्रीय शिक्षा मंत्री धर्मेन्द्र प्रधानक इस्तीफा पर विचार कयल जाय। ओ लिखने छथि जे 20 जुलाई 2026 केँ भेल ‘संसद चलो’ मार्च पुलिसक ज्यादती आ बलक अनुपातहीन इस्तेमालक बावजूद पूरा तरहेँ शांतिपूर्ण रहल। पूरा देश आ दुनिया प्रदर्शनकारीक धैर्य आ लोकतांत्रिक विरोधक प्रति हुनक प्रतिबद्धताकेँ देखलक।

ओ उम्मीद जतौलनि कि लोकतांत्रिक संस्थामे लोकक इ विश्वास प्रतिभागीक खिलाफ कानूनी मुकदमा, उत्पीड़न वा प्रतिशोधात्मक कार्यवाहीसँ कमजोर नहि कयल जायत। वांगचुक लिखलनि कि केंद्रीय मंत्रीक मुलाकातक बाद विभिन्न राजनीतिक दलक करीब 65 सांसद हुनका पत्र लिखलनि।