10 सालमे 152 पेपर लीक, केकरो सजा नहि : राहुल गांधी

नई दिल्ली। समदिया

लोकसभामे नेता प्रतिपक्ष राहुल नई दिल्ली स्थित कांग्रेस मुख्यालय इंदिरा भवनमे प्रेस कॉन्फ्रेंस कयलनि। संबोधनसँ पहिने राहुल गांधी एक वीडियो चलौलनि। ओहिमे पुलिस छात्र पर लाठी चार्ज कय रहल छल। एकर बाद ओ सरकारकेँ घेरनाइ शुरू कयलनि। एही दौरान ओ कतेको सवाल उठौलनि। ओ कहलनि कि देशक छात्र शांतिपूर्ण ढंगसँ अपन मांग उठा रहल अछि, मुदा ओकरा संग एहन व्यवहार कयल जा रहल अछि, जेना ओ कोनो अपराध कयने होय। राहुल गांधी कहलनि कि छात्र केवल एक निष्पक्ष शिक्षा व्यवस्थाक मांग कय रहल अछि, जे हुनक अधिकार अछि। ओ आरोप लगौलनि कि कतेको छात्र लगातार तनाव झेल रहल अछि आ पेपर लीक जँका घटनाक कारण किछु छात्र आत्महत्या सेहो कय लेलक। हुनक अनुसार छात्रक आवाज सुनय केर बजाय हुनका निराशाक सामना करय पड़ल।

राहुल गांधी कहलनि कि भारतक शिक्षा व्यवस्था कहियो दुनियाक सबसँ बेहतर व्यवस्थामे गिनी जायत छल, मुदा आब इ ह पूरा तरहेँ प्रभावित भ चुकल अछि। ओ दावा कयलनि कि पिछला 10 वर्षमे 152 बेर-बेर प्रश्नपत्र लीक भेल अछि, यानी औसतन सभ महीना एकटा पेपर लीक भेल। ओ कहलनि कि सभ बेर लाखों छात्रकेँ फेरसँ परीक्षाक तैयारी करय पड़ैत अछि आ हुनका दोबारा ओहि मानसिक दबावसँ गुजरय पड़ैत अछि। राहुल गांधी आरोप लगौलनि कि सरकार छात्रक एही  परेशानीकेँ गंभीरतासँ नहि ल रहल अछि। ओ कहलनि कि करीब 7.5 करोड़ छात्र आ हुनक परिवार एही घटनासँ प्रभावित भेल अछि, जाहिमे पैघ संख्या मध्यम वर्ग आ गरीब परिवारक अछि।

राहुल गांधी कहलनि कि शिक्षा मंत्री धर्मेंद्र प्रधान अपन दायित्व निभाबयमे विफल रहलाह, तें हुनका पदसँ हटाओल जाए। ओ आरोप लगौलनि कि लगातार पेपर लीक भ रहल अछि आ ओ भारतक शिक्षा व्यवस्थाकेँ नुकसान पहुंचेलनि अछि। ताहै लेल हुनका पदसँ हटा देबाक चाहि।

राहुल गांधी कहलनि कि छात्र पर कार्यवाहीक आदेश दय वला आ ओकरा लागू करय वला सभ लोकक जवाबदेही तय कयल जयबाक चाहि। छात्रक खिलाफ कार्यवाही करय वला केर जवाबदेही तय होय। कोनो दोषीकेँ बख्शल नहि जयबाक  चाहि।

ओ कहलनि कि पूरी शिक्षा व्यवस्थाक लेल आखिरकार सरकार जिम्मेदार अछि। ओ कहलनि कि छात्रक संग जे भेल, ओहि लेल सरकारकेँ नैतिक जिम्मेदारी लेत माफी मांगबाक चाहि।

राहुल गांधी कहलनि कि सबसँ गंभीर बात इ अछि कि पिछला 10 वर्षमे 152 पेपर लीकक घटना सामने अयलाक बावजूद एक्को मामिलामे केकरो सजा नहि भेल। ओ आरोप लगौलनि कि कुछ लोक वा संगठित समूह देशक शिक्षा व्यवस्था आ छात्रक भविष्यकेँ नुकसान पहुंचा रहल अछि, मुदा सरकार प्रभावी कार्यवाही नहि कय रहल अछि। हुनक अनुसार शिक्षा व्यवस्था देशक सबसँ पैघ पूंजी अछि आ जँ इ व्यवस्था कमजोर होयत तँ एकर असर पूरा देशक भविष्य पर पड़त। ओ कहलनि कि छात्र आ हुनक परिवारक भरोसा लगातार टूटि रहल अछि, कारण सभ पेपर लीक भेलाक बाद हुनका फेरसँ  शुरुआत करय पड़ैत अछि।

राहुल गांधी कहलनि कि छात्र सड़क पर कोनो राजनीतिक कारणसँ नहि, बल्कि अपन भविष्यक चिंतामे उतरैत अछि। ओ कहलनि कि छात्रक मांग सिर्फ एतेबे अछि कि हुनका निष्पक्ष आ भरोसेमंद परीक्षा व्यवस्था भेटय। ओ सवाल कयलनि कि आखिर छात्र एहन की गलत कयलक अछि कि हुनका सामने सुरक्षा बल तैनात कयल जायत अछि। राहुल गांधी कहलनि कि छात्र केवल अपन अधिकारक बात कय रहल अछि आ सरकारकेँ हुनक आवाज सुनबाक चाहि। हुनक अनुसार जा धरि पेपर लीक पर सख्त कार्यवाही, दोषीकेँ सजा आ शिक्षा व्यवस्थामे सुधार नहि होयत, आ धरि छात्रक आक्रोश कम नहि होयत।