बिहार स्कूल परीक्षा बोर्ड (बीएसईबी) आइसँ बारहवींक परीक्षा शुरू करत। एहि परीक्षामे १३.०४ लाख अभ्यर्थी उपस्थित होयत, जाहि लेल राज्यमे १,५२३ परीक्षा केन्द्र स्थापित कयल गेल अछि।
बिहार स्कूल परीक्षा बोर्डक अध्यक्ष आनन्द किशोरक अनुसार एहि साल होबयवला १२म परीक्षामे ६.७७ लाख बालक आ ६.२६ लाख बालिका उपस्थित होयत।
ओ जनओलनि जे बोर्ड द्वारा कदाचार मुक्त परीक्षाक लेल सभ तैयारी पूरा कऽ लेल गेल अछि। परीक्षार्थी सभकेँ परीक्षासँ ३० मिनट पहिने परीक्षा कक्ष पहुँचय पड़त।
ओ कहलनि जे परीक्षार्थी आ निरीक्षकसभ परीक्षा कक्षमे मोबाइल फोन नहिं लऽ जायत। धारा १४४ सभ केंद्र पर लागू रहत। पटनामे ७७ हजार अभ्यर्थी उपस्थित होएत जाहि लेल ७८ परीक्षा केंद्र स्थापित कैल गेल अछि।
परीक्षाक पहिल दिन पहिल पालीमे जीव विज्ञान आ दर्शनशास्त्रक परीक्षा आ दोसर पालीमे अर्थशास्त्रक परीक्षा होयत। ई परीक्षा १२ फरवरी तक चलत।
