कांग्रेस नेता राहुल गांधी रवि दिन पटनामे महागठबंधनक रैलीमे भाजपा आ केंद्र सरकार पर जोरदार निशाना साधलनि। ओ कहलनि “बदलावक तुफान बिहारसँ शुरू होइत अछि आ आन राज्यमे जाइत अछि।”
पटनाक गांधी मैदानमे आयोजित महागठबंधनक जन विश्वास रैलीकेँ संबोधित करैत राहुल गांधी कहलनि कि देशमे जखनि कखनो देशमे बदलाव होइत अछि, तऽ बिहारमे तूफान शुरू होइत अछि आ आन राज्यमे जाइत अछि।
बिहारकेँ राजनीतिक केन्द्र बताबैत ओ कहलनि जे आइ देशमे विचारधाराक लड़ाई चलि रहल अछि। एक दिस घृणा, हिंसा, अहंकार आ दोसर दिस प्रेम, भाईचारा आ एक दोसराक प्रति सम्मान अछि। “हम नफरतक बाजारमे मोहब्बतक दोकान खोलैत छी। आगू राहुल गाँधी कहलनि जे पहिने पब्लिक सेक्टर होइत छल जाहिमे गरीबकेँ रास्ता भेटैत छल, नौकरी भेटैत छल।
सेनामे अग्निवीरक सम्बन्धमे ओ कहलनि जे आब सेनामे दू तरहक शहीद होयत। एकटा शहीदकेँ सम्मान भेटत, दोसर शहीद अग्निवीर होयत, जकरा शहीदक दर्जा पर्यंत नहिं भेटत। रैलीकेँ राजद प्रमुख लालू प्रसाद यादव, पूर्व उप मुख्यमंत्री तेजस्वी यादव, वामदल नेता सभ आदि संबोधित कयलनि।
