कांग्रेस आ आम आदमी पार्टी (आप) लोकसभा चुनावक लेल दिल्लीमे गठबंधन कयलक अछि। एकर आधिकारिक घोषणा कांग्रेस आ आपक नेता लोकनि सेहो कयलनि अछि। आम आदमी पार्टी दिल्लीमे चारिटा लोकसभा सीटपर चुनाव लड़त। ओतहि कांग्रेसकेँ तीनटा सीट देल गेल अछि। पंजाब पर दुनूक बीच कोनो सहमति नहिं बनल, मुदा हरियाणामे आम आदमी पार्टीकेँ एकटा लोकसभा सीट देल गेल अछि। जखनि कि कांग्रेस ९ टा पर चुनाव लड़ि रहल अछि।
कांग्रेस महासचिव आ सांसद मुकुल वासनिक कहलनि जे दिल्लीमे लोकसभाक सातटा सीट अछि। एहिमेसँ आम आदमी पार्टी चारिटा सीट पर चुनाव लड़त। एहिमे नई दिल्ली, पश्चिम दिल्ली, दक्षिण दिल्ली आ पूर्वी दिल्ली सम्मिलित अछि। कांग्रेस तीन सीट पर चुनाव लड़त- चांदनी चौक, पूर्वोत्तर आ उत्तर पश्चिम।
एकर सङ्ग कांग्रेस आ आम आदमी पार्टी गुजरात, हरियाणा, चंडीगढ़ आ गोवामे सीटक बँटवाराक घोषणा कयलक। कांग्रेस आ आम आदमी पार्टी पंजाब आ चंडीगढ़ पर सहमति पर नहिं बनल। दुनू दल अलग-अलग चुनाव लड़त।
हरियाणामे कांग्रेस नौ टा सीट आ आम आदमी पार्टी एकटा सीट पर चुनाव लड़त।
आम आदमी पार्टीक उम्मीदवार कुरुक्षेत्र सीटसँ चुनाव लड़ताह। गुजरातमे २६ लोकसभा सीटमेसँ कांग्रेस २४ सीटपर चुनाव लड़ि रहल अछि आ दूटा सीट भरूच आ भावनगर आम आदमी पार्टीकेँ देल गेल अछि। गोवामे सेहो कांग्रेसक उम्मीदवार दुनू सीट पर चुनाव लड़त।
हरियाणाक १० टा सीटमेसँ कांग्रेस ९ टा सीटपर चुनाव लड़ि रहल अछि आ एकटा सीट आम आदमी पार्टीकेँ देल गेल अछि। दिल्लीक मंत्री आतिशी कहलनि जे आम आदमी पार्टी शुरूएसँ इंडिया गठबंधनक एकटा महत्वपूर्ण स्तम्भ रहल अछि। हम इंडिया गठबंधनक सफलताक लेल काज कऽ रहल छी। कांग्रेसक संग बातचीत आ सीट बंटवारामे समय लागल। मुदा, आम आदमी पार्टी शुरूसँ ई स्पष्ट करैत आबि रहल अछि जे हम इंडिया गठबंधनक हिस्सा छी आ हम सब मिलि कऽ चुनाव लड़ब।
