अनुच्छेद ३७० केँ निरस्त करयपर सुप्रीम कोर्टक फैसला ऐतिहासिक – मोदी

नई दिल्ली
*
प्रधानमंत्री नरेन्द्र मोदी कहलनि अछि जे अनुच्छेद ३७० केँ निरस्त कयलाक उपरान्त आजुक सुप्रीम कोर्टक फैसिला ऐतिहासिक अछि आओर ई ५ अगस्त २०१९ क’ भारतक संसद द्वारा लेल गेल फैसला केर बरकरार राखत।
प्रधानमंत्री मोदी जम्मू-कश्मीर आ लद्दाखक लोककेँ ई आश्वासन देलनि अछि जे हुनका लोकनिक स्वप्नके पूर्ण करय केर वास्ते सरकारक प्रतिबद्धता अटूट अछि।

प्रधानमंत्री मोदी सुप्रीम कोर्टक फैसलापर प्रतिक्रिया दैत ‘नव जम्मू-कश्मीरक हैशटैगक संग, एक्सपर पोस्ट दैत कहलनि “अनुच्छेद ३७० केर निरस्त करयपर आइ केर सुप्रीम कोर्टक फैसिला ऐतिहासिक अछि आ ५ अगस्त २०१९ क’ भारतक संसद द्वारा लेल गेल फैसलाके संवैधानिक रूपसँ बरकरार राखैत अछि। ई जम्मू-कश्मीर आ लद्दाखमे हमर बहिन आ भाइसभ लेल आशा, प्रगति आओर एकताक एकटा शानदार घोषणा अछि।
प्रधानमंत्री मोदी आगू कहलनि “न्यायालय अप्पन गहन ज्ञानसॅं एकताक मूल सारकेँ मजबूत केलक अछि, एकरा हम एकटा भारतीय होमयके नाते सभसँ उपर आ प्रिय मानैत एकरा संजो कय राखैत छी। हम जम्मू-कश्मीर आ लद्दाखक लोककेँ आश्वस्त करय चाहैत छी जे अहाँ सभक स्वप्नकेँ पूर्ण करयके वास्ते हम प्रतिबद्ध छी।हम ई सुनिश्चित करय लेल प्रतिबद्ध छी जे प्रगतिक लाभ मात्र अहां तक नै बल्कि एकर लाभ समाजक सभसँ कमजोर आ हाशियापर रहय बला लोक, वर्ग, समाज तक पहुंचय जे सभ अनुच्छेद ३७० सँ पीड़ित छलाह। आइ केर फैसला मात्र कानूनी फैसला नै, ई आशाक किरण छी, उज्जवल भविष्यक वादा अछि आओर एकटा मजबूत ,अधिक एकजुट भारतक निर्माण लेल हमर सामूहिक संकल्पक प्रमाण अछि।