प्रधानमंत्री मोदी आ खड़गे देलनि देशक विजय दिवसक शुभकामना

नई दिल्ली

*

प्रधानमंत्री नरेंद्र मोदी आओर कांग्रेस अध्यक्ष मल्लिकार्जुन खड़गे शनिदिन विजय दिवसक शुभकामना देलनि ।

एक्स पर एकटा पोस्टमे पीएम मोदी कहलनि जे, “आइ विजय दिवस पर हम ओहि सब वीर नायकके श्रद्धांजलि दऽ रहल छी जे १९७१ मे निर्णायक जीत सुनिश्चित कयलनि आ कर्तव्यनिष्ठापूर्वक भारतक सेवा कयलथि।

प्रधानमंत्री आगू कहलथि, “हुनकर बहादुरी आओर समर्पण देशक लेल अपार गौरवक स्रोत अछि । हुनक बलिदान आओर अटूट भावना हरदम जनताक दिल आओर हमर देशक इतिहासमे उकेरल रहत । भारत हुनक साहसक नमन करैत अछि आओर हुनक अदम्य भावनाकेँ मोन पारैत अछि।”

खड़गे राष्ट्र केर शुभकामना देलथि आओर कहलथि कि “निर्णायक नेतृत्व मानवता लेल एकटा महत्वपूर्ण अवसर छल।

हम अपन सशस्त्र बल आ मुक्ति वाहिनीक अदम्य साहस, शौर्य आ दृढ़ संकल्पकेँ नमन करैत छी।”

१९७१ केर युद्धमे भारतीय सशस्त्र सेनाक पाकिस्तान पर जीतक सम्मानमे हर साल १६ दिसंबरकेँ विजय दिवस मनायल जाइत अछि आ देशक लेल अपन जानक बलिदान देबय वाला सैनिककेँ श्रद्धांजलि देल जाइत अछि। १३ दिनक लड़ाईक बाद भारत १६ दिसंबर १९७१ केँ पाकिस्तान पर शानदार जीत हासिल कयलक, जाहिसँ पूर्वी पाकिस्तानसँ बंगलादेश केर निर्माण भेल ।

ई महत्वपूर्ण दिन पाकिस्तान सशस्त्र बल केर चीफ ऑफ स्टाफ जनरल अमीर अब्दुल्ला खान नियाजी ९३,००० सैनिकक संग भारतीय सेना आओर बांग्लादेश केर मुक्ति वाहिनीक सामने आत्मसमर्पण कयने छल, जे द्वितीय विश्वयुद्धक बाद सबसँ पैघ सैन्य आत्मसमर्पण छल ।