तेजस्वी-नीतीशक भेल इंडिया गठबंधनक बाद भेटसँ अटकलवाजी तेज
की बिहारमे फेर होयत किछु उलटफेर ?
*
पटना
*
बिहारमे लगातार बदलैत राजनीतिक बीच मुख्यमंत्री नीतीश कुमार आ उपमुख्यमंत्री तेजस्वी यादवक भेंट भेल। शुक्रदिन भोरे तेजस्वी यादव मुख्यमंत्री नीतीश कुमारसँ भेंट करय लेल अने मार्ग पहुंचलाह। तेजस्वी आ नीतीश कुमारक मुलाकातक कारण बिहारमे राजनीतिक बाजार सेहो गरम भऽ गेल अछि।
असलमे मुख्यमंत्री नीतीश कुमार आ तेजस्वी यादवक मुलाकात आम बात अछि। लेकिन, इंडिया गठबंधन केर मुलाकातक बाद ई दूनू नेताक मुलाकातक बहुत तरहसँ व्याख्या कयल जा रहल छै । बिहारमे सीट बंटवाराक संग-संग चुनावक तैयारीक संबंधमे रणनीति बनेबाक अछि, जखन कि दोसर दिस कांग्रेस मंत्रिमंडल विस्तारक संबंधमे राजद आ जदयू पर लगातार दबाव बना रहल अछि।
जनतब ई खबर कांग्रेस सूत्रक हवालासँ सेहो आयल जे राहुल गांधी नीतीश कुमारसँ फोन पर गप केने छथि, ई बातचीत इंडिया गठबंधन आओर मंत्रिमंडल विस्तारक संबंधमे होयके संभावना छै । एम्हर नीतीश कुमार आ तेजस्वी यादवक बीच मुलाकातक कारण इहो कहल जा रहल अछि जे जल्दसँ जल्द बिहारमे महागठबंधनक बीच सीट बंटवारा आओर कांग्रेसक मांग पर मंत्रिमंडलक विस्तारक संबंधमे आपसी सहमति भऽ सकैत अछि ।
संगहि नीतीश कुमार आ तेजस्वी यादवक बैसार पर भाजपा व्यंग्य कएल अछि। भाजपाक मुख्य प्रवक्ता जनक राम कहलनि जे, एहि दुनू नेताकेँ बैसारक ने कोनो महत्व अछि आ ने एहि बैसारक ककरो फायदा होबय वाला अछि। बिहारक जनता देखलक जे बिहारक आर्थिक रूपसँ कोना शोषण भेल आ आब नीतीश कुमार बिहारक लोककेँ मानसिक शोषण कऽ रहल छथि। आब बिहारक जनता चुनावक इंतजारमे अछि, चुनाव अबिते जे जेठ भाई आ छोट भाईकेँ खुमारी चढ़ल अछि, उतरि जायत।
