३९•५० टका सस्ता भेल वाणिज्यिक एलपीजी सिलेंडर
नई दिल्ली
*
२२ दिसंबरसँ रसोई गैस सिलिंडर ३९.५० रुपया सस्ता भेल अछि। अंतर्राष्ट्रीय सूचकांकमे नरमीक बीच शुक्रसँ 19 किलोग्राम वाणिज्यिक रसोई गैस (एलपीजी) केर दाममे ३९.५० रुपया प्रति सिलेंडरमे कटौती कैल गेल अछि।
मुदा, घरेलू रसोई गैस सिलेंडर (14. 2 किलोक दाम 903 रुपैया पर स्थिर अछि।
सरकारी तेल फर्म द्वारा जारी अधिसूचनाक अनुसार, होटल आ रेस्तराँ सन विभिन्न प्रतिष्ठानमे उपयोग कयल जायवला वाणिज्यिक एलपीजीक दाम आब राष्ट्रीय राजधानीमे प्रति १९ किलोग्राम सिलेंडर पर १,७५७ रुपैया होयत, जे पहिने १,७९६.५० रुपैया छल। १ दिसंबरकेँ वाणिज्यिक एलपीजीक दाम बढ़ाओल गेल छल।
वाणिज्यिक एलपीजीक दाम आब मुम्बईमे प्रति १९ किलोग्राम सिलेंडर १,७१० रुपया, कोलकातामे १,८६८.५० रुपया आ चेन्नईमे १,९२९ रुपैया अछि।
स्थानीय करक आधार पर दर अलग-अलग राज्यमे भिन्न होइत अछि। सऊदी अनुबंध मूल्य (सीपी), एलपीजीक दाम निर्धारित करय लेल उपयोग कयल जायवला सूचकांक, पछिला किछु सप्ताहसँ अत्यधिक आपूर्तिक चिन्ताक बीच नरमी अछि।
पेट्रोल आ डीजलक दाम लगातार २१म मास स्थिर रहल अछि। दिल्लीमे पेट्रोलक दाम १०१.८४ रुपया प्रति लीटर अछि जखन कि डीजल ८९.०७ रुपया प्रति लीटर अछि।
