दक्षिण 24 परगनाक फालतामे कटमनीक पैसा लौटा रहल तृणमूल कांग्रेसक कार्यकर्ता

कोलकाता। समदिया

पश्चिम बंगालमे सत्ता परिवर्तनक बाद भ्रष्टाचार आ कटमनी लेबाक आरोपी नेता आ कार्यकर्ता मुश्किलमे घिरैत जा रहल अछि। पुलिसक जांचसँ बचय लेल ममता बनर्जी सरकारक दौरान लोकसँ वसूली करय वला आ हर काजमे कटमनी लय वला लोक आब ओतय लोककेँ पैसा वापस कय रहल अछि।

दक्षिण 24 परगनाक फालतासँ सेहो आब एहन मामिला सामने आबि रहल अछि। एतय बांग्ला आवास योजना केर लाभार्थीसँ कथित तौर पर वसूलील गेल कटमनीक रकम आब खुलेआम लौटाओल जा रहल अछि। मामिला देवीपुर ग्राम पंचायतक 80 नंबर बूथ क्षेत्रक अछि।

आरोप अछि कि तृणमूल कार्यकर्ता सुमित हलदार आ सुमंत मंडल आवास योजनाक लाभ दिलाबय केर नाम पर हर लाभार्थीसँ 8 सँ 10 हजार रुपया धरि वसूली कयने छल। स्थानीय लोकक अनुसार, विधानसभा चुनावमे तृणमूल प्रत्याशी जहांगीर खानक हारक बाद दुनू कार्यकर्ता इलाकासँ भ गायब भ गेल छल।

जखनि दुनू वापस लौटल, तँ ओ लाभार्थीकेँ बजा कय एक-एक कय बजौलक आ लेल गेल पैसा हुनका लौटाओल गेल।  सोशल मीडिया पर एकर वीडियो (जकर सत्यताक पुष्टि मैथिल पुनर्जागरण प्रकाश नहि करैत अछि) वायरल अछि। एहीमे महिला कतारमे ठाढ़ नजरि आबि रहल छथि, जखनि कि एक युवक लोककेँ पैसा वापस करैत देखा रहल अछि।

रकमक ब्योरा सेहो देल जा रहल रहल अछि। पैसा लौटाबैत समय सार्वजनिक रूपसँ रकमक ब्योरा सेहो देल जा रहल अछि। कहल जा रहल अछि जे लालक मां सँ 18 हजार रुपया, गोपाल दा केर बेटीसँ 5 हजार रुपया आ सुमनक मां सँ 9,500 रुपए लेल गेल छल। ओ रकम आब वापस कयल जा रहल अछि।

आरोपी तृणमूल कार्यकर्ता दावा कयलक कि इ पैसा ओ अपन मर्जीसँ नहि लेलनि। बंगाल चुनाव 2026 सँ पहिने ओहि सभ लोकसँ पैसा वसूलय लेल कहल गेल छल। पार्टी नेताक निर्देश पर इ रकम लेल गेल छल। आब ओ लौटाओल जा रहल अछि।

फालता केर भाजपा विधायक देवांशु पांडा तीखी प्रतिक्रिया देलनि अछि। ओ आरोप लगौलनि कि सरकारी योजनासँ ‘जहांगीर गिरोह’ कटमनी लेने छल। एही पूरा मामिलाक निष्पक्ष जांच होयबाक चाहि आ दोषीक खिलाफ कड़ा कानूनी कार्यवाही होयबाक चाहि।