सिवानमे एआईएमआईएम जिला अध्यक्ष आरिफ जमालकेँ गोली मारि हत्या
सिवान
*
बिहारक सीवानसँ एकटा चौंकाबयवाला घटना सामने आयल अछि। एतय एआईएमआईएम जिला अध्यक्ष आरिफ जमालकेँ गोली मारि हत्या कऽ देल गेल अछि। हमलावर बाइक पर सवार भऽ आयल आ आरिफ पर अंधाधुंध गोलीबारी केलक। घटनाक बाद हमलावर भागि गेल। पुलिस एहि घटनाक जाँच शुरू कऽ देलक अछि।
हमलावर हुसैनगंज थाना क्षेत्रक कुतुब छपरा मोड़ लग स्थित एकटा फास्ट फूड दोकान पर आरिफकेँ निशाना बनौलक। गम्भीर स्थितिमे स्थानीय लोकक सहायतासँ घायल आरिफ जमालकेँ इलाजक लेल सदर अस्पतालमे भर्ती कयल गेल छल मुदा इलाजक क्रममे हुनकर मृत्यु भऽ गेलनि।
एहि घटनाक संबंधमे परिवारक सदस्यलोकनि कहलनि जे आरिफ जमाल अपन फास्ट फूडक दोकानपर बैसल छलाह। सशस्त्र बाइक पर तीन हमलावर फास्ट फूड के दोकान पर आयल आ फायरिंग करय लागल। एहि घटनामे आरिफ घायल भऽ गेलाह आ हुनका अस्पताल लय जायल गेल। उपचारक क्रममे हुनक मृत्यु भऽ गेल।
घटनाक बाद हमलावर भागि गेल। प्रत्यक्षदर्शी लोकनि कहलनि जे हमलावर तीन राउंड फायरिंग केलक। घटनाक कारण एखन धरि पता नहि चलल अछि।
