राष्ट्रीय विज्ञान दिवसक शुभ अवसर पर बुधदिन न्यू कालोनी स्थित श्रीराम सेकेंडरी स्कूल परिसरमे स्कूलक बच्चा सभ द्वारा विज्ञान आ कला प्रदर्शनीक आयोजन कयल गेल। एहि कार्यक्रमक मुख्य अतिथि सीजेएम संतोष सिंह, डॉक्टर एके मिश्रा, पूर्व प्राचार्य श्रीमती रेणु सिंह, पूर्व प्राचार्य प्रोफेसर के.एस.ओझा, एवं प्रो.पी.सी.खां, प्रो भवानंद झा, चिल्ड्रन स्कूल एसोसिएशनक अध्यक्ष रामसुंदर साहा, एकलव्या सेन्ट्रल स्कूलक निदेशक मुकेश कुमार सिंह, रेसर्स एकेडमीक ब्रज किशोर सादा, उदित नारायण दास स्कूलक संस्थापक शिवम कुमार आ निर्देशिका लिपिका सिंह द्वारा उपस्थित पाहुनकेँ पाग चादर आ डायरी दऽ कऽ सम्मानित कयल गेल। एहि अवसर पर अपन संबोधनमे अतिथि सबकेँ स्कूल द्वारा आयोजित गतिविधिक बारेमे बताओल गेल। ई कार्यक्रमक बहुत सराहना भेल आ सब गोटे हृदयसँ बच्चा सभकेँ मेहनत लेल आशीर्वाद देलखिन आ स्कूल प्रशासककेँ बहुत प्रशंसा कयलनि। ओतहि कार्यक्रमक अंतमे स्कूलक प्रिंसिपल देवकीनंदन सिंह द्वारा धन्यवाद ज्ञापन कयल गेल। कार्यक्रममे स्कूल शिक्षक रमेश कुमार, सतीश वर्मा, राजकिशोर शर्मा, मोहम्मद जमशेद अली, सिद्धान्त, संदीप, रामप्रवेश, अमितोष, सविता झा, श्रुति वर्मा, रिंकू सिंह, श्रेया सिंह, शिवानी, सीमा सिंहक सराहनीय योगदान रहल। संगहि प्रदर्शनीमे भाग लेनिहार बच्चामे स्वस्ति, शिवम, प्राची, सुप्रिया, श्रेयसी, दीपशिखा, दिया, लक्ष्मी, गीतांजलि, सौरभ, मानस, राजा, बंटी, तस्नीन, जमशेद, मानव, सत्यम, शिवम द्वारा विज्ञानसँ संबंधित परियोजना आ हाथसँ बनल कलाकृतिक प्रदर्शन कयल गेल। अतिथि सब एकर बहुत सराहना केलथि आ बच्चा सबकेँ प्रोत्साहित सेहो कयलथि।निर्देशक शिवम सिंह कहला जे बच्चा सबहक चौतरफा विकास कला आ विज्ञान प्रदर्शनीक माध्यमसँ होइत अछि। विज्ञान सन जटिल विषयमे सेहो अपन सोचसँ ई परियोजनाक प्रदर्शन कयल गेल। आगू कहला कि ई शहरक पहिल प्ले स्कूल अछि।जतय दस कक्षा तकक बच्चा सबकेँ योग्य शिक्षक द्वारा पूर्ण अनुशासनक संग नीक शिक्षा देल जाइत छैक ।
