जिला आ सत्र न्यायाधीश सह जिला विधिक सेवा प्राधिकारक अध्यक्ष विनोद कुमार तिवारीक निर्देश पर उपकारा बेनीपुरक निरीक्षण अवर न्यायाधीश सह जिला विधिक सेवा प्राधिकारक सचिव रंजन देव द्वारा कयल गेल। ओ बेरा-बेरी महिला आ पुरुष वार्डक निरीक्षण कयलनि। निरीक्षणमे किछु बंदी प्रथम दृष्टया 18 वर्ष सँ कम उम्रक बुझना जा रहल छल आ पूछला पर ओ सभ अपन उम्र 18 वर्षसँ कम बतेबो कयलनि।सचिव देव जेल विजीटिंग अधिवक्ता विनय कुमार झासँ अविलंब जुवेनाइल बंदी सबहक चयन कऽ विधिक सेवा लेल आवेदन करबाक लेल कहलनि। एहि संबंधमे पूछला पर जेलर भजन दास कहलनि जे कस्टडी पर सभकेँ बालिग लिखल गेल अछि। सचिव श्री देव रसोईघर , अस्पताल आ शिक्षालय केर निरीक्षण सेहो केलन्हि। शिक्षालयमे अशिक्षित बंदी सभक प्रतिनियुक्त शिक्षक द्वारा पढ़ायल जा रहल छल । उपकाराक कुल क्षमता 332 पुरुष आ 15 महिला बंदीक राखबाक अछि। जखनकि वर्तमानमे 256 पूरुष आ 3 महिला बंदी संसिमित अछि । मौका पर जेल विजीटिंग अधिवक्ता राजनाथ यादव, प्राधिकार सहायक कुमार गौरव, ऋतिक, अरविंद आदि मौजूद छलाह ।
